Biylǵy oqý jylynan bastap ekologiia týraly qosymsha bilim berý, synyp saǵattary bastalady. Bul týraly ekologiialyq bilimge qatysty Facebook-tegi KUN.KZ ashyq media platformada ótken onlain konferentsiiada aityldy, dep habarlaidy QazAqparat.
«Ekologiialyq bilim berý, ekologiialyq tárbie berý máselesi ózekti ekeni sózsiz, sol sebepti Memleket basshysy Qasym-Jomart Toqaev mektep baǵdarlamasyna «Balalardyń ekologiialyq bilimi« pánin engizý týraly tapsyrma bergen bolatyn. Osy tapsyrma berilgennen bastap jumysty bastap kettik. Osy jumysqa basqa memlekettik organdar da óte belsendi aralasýda. Memlekettik emes uiymdardan da óte jaqsy usynystar kelip jatyr. Bul - osy máseleniń óte ózekti ekenin taǵy bir márte dáleldep otyr», - deidi QR Bilim jáne ǵylym ministri Ashat Aimaǵambetov.
Onyń aitýynsha, basty másele - Memleket basshysynyń tapsyrmasyn sapaly oryndaý.
«Bizdiń aldymyzda daiyn bolsaq ta, bolmasaq ta atalǵan pándi 1 qyrkúiekte mektep baǵdarlamasyna engizý týraly talap turǵan joq. Biz eń aldymen beriletin bilim mazmunyna, balanyń jas ereksheligine qalai sáikes keletinin jáne ádistemelik jaǵyn da qarastyramyz. Mundai jumys asyǵys bolmaý kerek. Sabaqta, sabaqtan tys ýaqytta ekologiialyq bilim berý óte mańyzdy. Bul sabaqty bir pán ishine kirgizip qoisaq - tiimdiligi joǵary bolmaidy», - deidi ol.
Ministr ekologiiaǵa qatysty tárbie: oiyn, joba, olimpiadalar arqyly júzege asýy kerektigin aitty.
«Bala tek qana estip qana qoimai, qolmen jasap kórgeni durys bolady. Prezident tapsyrmasyn oryndaý joly men ádisi kóp. Biylǵy oqý jylynan bastap ekologiia týraly qosymsha bilim berý, synyp saǵattaryn bastaimyz. Jalpy jumys 1 qyrkúiekten júieli túrde bastalady», - deidi Bilim jáne ǵylym ministri.
