Ekologiia ministrliginiń jedel jelisine stihiialyq qoqystar boiynsha 515 aryz túsken, dep habarlaidy "Ult aqparat" atalmysh vedomostvonyń baspasóz qyzmetine silteme jasap.
Onyń ishinde 384 shaǵym stihiialyq qoqystarǵa, 131-i - tolyp ketken konteinerlerge qatysty. 5 jaǵdaida faktiler rastalmady.
Stihiialyq qoqystar týraly habarlardyń kópshiligi Almaty (73), Shyǵys Qazaqstan (46) jáne Qaraǵandy oblystarynan (41), sondai-aq Almaty qalasynan (44) kelip tústi. Aqmola (30) oblysy azamattardan túsken ótinishter sany boiynsha «bestikke» kirdi.
Búgingi tańda poligondardyń jartysynan kóbi (282) joiyldy. Bul baǵyttaǵy jumystar jalǵasýda. Shaǵym túskennen keiin aqparat dereý jergilikti ekologiia departamentterine, QR IIM qyzmeti men ákimdikterge jiberiledi. Mamandar jedel tekserý ornyna baryp, shara qoldanady, kináliler jazalanyp, sonyń ishinde aiyppul óndirilip alynady.
Eske salsaq, Ekologiia ministrliginiń jedel jeli nómiri: +7 (775) 952-49-00. Vatsaptaǵy osy nómir arqyly kez kelgen qazaqstandyq óz qalasyndaǵy nemese aýylyndaǵy stihiialyq koqys týraly aqparatty, onyń ishinde rastalǵan fotosýretter men beinetúsirilimdi jibere alady.
Ekologiia ministrligi eldiń barlyq turǵyndaryna bul máselege bei-jai qaramai, jedel jelige shuǵyl túrde stihiialyq úiindiler faktisi týraly habarlaýǵa, zańbuzýshylarǵa sol jerde eskertý jasaýǵa, politsiia shaqyrýǵa úndeidi.
Osy baǵyttaǵy jumystardy birigip atqarǵan kezde ǵana, kóp nárseni retke keltire alamyz, dep atap ótedi QR EGTRM baspasóz qyzmeti.
Sonymen qatar, demalys kúnderi Ekologiia ministrligi Orman sharýashylyǵy komitetiniń inspektorlarymen, sondai-aq QR IIM qyzmetkerleri men qoǵam qairatkerlerimen birge ulttyq saiabaqtar men demalys aimaqtarynda qoǵamdyq reidter ótkizedi. Zańbuzýshylyq oryn alǵan jaǵdaida, tiisti shara qoldanylyp, onyń ishinde aiyppul salynady.
