QR Ekologiia ministrliginiń qyzmetkerleri «Qazaqstan halqyna» qoryna bir kúndik jalaqylaryn aýdarady, dep habarlaidy QazAqparat.
«Memleket basshysy Qasym-Jomart Kemeluly Toqaevtyń biyl 11 qańtardaǵy QR Parlamenti Májilisiniń otyrysynda bergen tapsyrmasyn oryndaý aiasynda elimizde «Qazaqstan halqyna» qory quryldy. Qazaqstan Respýblikasy Ekologiia, geologiia jáne tabiǵi resýrstar ministrliginiń ujymy bir kúndik jalaqysyn «Qazaqstan halqyna» qoryna aýdarýǵa sheshim qabyldady», - delingen ministrlik habarlamasynda.
Budan buryn habarlanǵandai, «Qazaqstan halqyna» qoryn Bolat Jámishev basqaratyn boldy.
Qor Qazaqstan halqyna densaýlyq saqtaý, bilim berý jáne áleýmettik qoldaý, mádeniet jáne sport salalarynda memlekettik qoldaý sharalarynan tys qosymsha qamtamasyz etý máseleleri boiynsha qaiyrymdylyq kómek kórsetedi, tótenshe jaǵdailar kezinde jáne tótenshe jaǵdai rejimin engizý kezinde zardap shekkenderge, halyqtyń áleýmettik osal toptary jáne osal top balalaryna sporttyq infraqurylymnyń damýy jáne qoljetimdiligin arttyrý boiynsha járdemdesedi.
