Ekologiia ministrliginiń shuǵyl jelisine alǵashy jumys aptasynda 376 aryz túsken. Bul týraly "Ult aqparat" ministrliktiń baspasóz qyzmetine silteme jasap habarlaidy.
Zańsyz qoqys oryndary týraly habardyń basym bóligi - Almaty (61) jáne Qaraǵandy (41) oblystarynan, sondai-aq Almaty qalasynan (47) túsken. Azamattardan kelgen ótinishterdiń sany boiynsha «bestikke» Aqtóbe (35) jáne Shyǵys Qazaqstan (32) oblysy kiredi. 376 shaǵymnyń 269-y stihiialyq qoqysqa qatysty, 107-si tolyp ketken konteinerler týraly shaǵymdar.
«23 shildedegi jaǵdai boiynsha ákimdiktermen birlesip 132 qoqys poligony joiyldy. Bul baǵyttaǵy jumys jalǵasýda. Shaǵym túskennen keiin aqparat dereý jergilikti ekologiia departamentterine, ákimdikter men ishki ister departamentteri qyzmetterine jiberiledi. Mamandar dereý tekserý ornyna baryp, sol jerde sharalar qoldanady. Kináliler jazalanady, sonyń ishinde aiyppuldar da qoldanylady», - dep habarlaidy ministrlikten.
Esterińizge sala ketsek, Ekologiia ministrliginiń jedel jeli telefony +7 (775) 952-49-00. Bul nómirdi vatsap arqyly kez-kelgen qazaqstandyq óz qalasyndaǵy nemese aýylyndaǵy stihiialyq qoqystar týraly aqparatty fotosýret pen beinetúsirilim arqyly rastai otyryp, qoldana alady.
«Biz barlyq turǵyndardy máselege bei-jai qaramai, jedel jelige óz aýmaǵyndaǵy stihiialyq qoqys tastaý nemese konteinerlerdiń tolyp ketý faktileri týraly dereý habarlaýdy, ózderińiz olarǵa eskertý jasap, politsiiaǵa habarlasýdy suraimyz. Tek birlesken jaǵdaida ǵana biz bul salany tártipke keltire alamyz», - dedi vitse-ministr Ahmetjan Pirimqulov.
Sonymen qatar, Ekologiia ministrligi osy demalys kúnderinen bastap ulttyq parkterde jáne demalys aimaqtarynda qoǵamdyq reid júrgize bastady. Bul jergilikti jerlerdegi qorshaǵan ortany qorǵaý salasyndaǵy jaǵdaidy baqylaýǵa jáne jedel sharalar qabyldaýǵa, sonyń ishinde zańbuzýshylarǵa aiyppul qoldanýǵa múmkindik beredi. Alaida jaǵdaidy ózgertý úshin jalpy halyqtyń ekologiialyq mádenietin kóterý kerek.
