QR Ekologiia, geologiia jáne tabiǵi resýrstar ministrligi memlekettik qyzmetterin 100%-ǵa elektrondy formatqa kóshirýdi qamtamasyz etti. Memlekettik qyzmetterdiń jańartylǵan reestrine sáikes, Ministrlikke 42 qyzmet bekitilgen. Onyń bári avtomattandyryldy, dep habarlaidy "Ult aqparat" vedomstvonyń baspasóz qyzmetine silteme jasap.
«Salystyrmaly túrde aitsaq, byltyr bul kórsetkish 87,23% bolsa, 2020 jyldyń basynda 90,7%-dy qurady. Ótken jyly memlekettik qyzmetterdi elektrondy formatqa kóshirýdiń 2019 jylǵa arnalǵan josparyna sáikes 10 qyzmet, 2020 jyldyń alǵashqy jartysynda 2 qyzmet avtomattandyryldy.
Atap óteiik, memlekettik qyzmetterdi elektrondy formatqa kóshirý protsestiń tyńǵylyqty tehnikalyq daiyndyǵynyń arqasynda júzege asty. Osylaisha, qazir Ministrlikte barlyq memlekettik qyzmetti elektrondy formatta alýǵa bolady», delingen habarlamada.
Aita keteiik, ministrlik qyzmetterdi avtomattandyryp qana qoimai, olardyń bárin tek elektrondy formada usynýǵa umtylady. Eger 2019 jyly 28 qyzmet elektrondy formada ǵana kórsetilse, qazir qyzmetterdiń 88%-y (37 qyzmet) elektrondy formada, iaǵni qaǵaz túrindegi balamasyz usynylady.
Endi ministrlik memlekettik qyzmetterdi damytý úshin biznes-protsessterdi ońtailandyrý jáne biometrikalyq aýtentifikatsiia tehnologiiasyn engizýdi qolǵa alady.
