Shavhat Ótemisov QR Ekologiia, geologiia jáne tabiǵi resýrstar ministrliginiń apparat basshysy bolyp taǵaiyndaldy. Bul týraly QR Premer-Ministriniń baspasóz qyzmeti habarlady.
Shavhat Ótemisov 1963 jyly Batys Qazaqstan oblysynda dúniege kelgen. 1985 jyly A. Pýshkin atyndaǵy Oral pedagogikalyq institýtyn, 2000 jyly QR Prezidenti janyndaǵy Memlekettik qyzmet akademiiasyn támamdaǵan.
Eńbek jolyn 1985 jyly Oral oblysy Chapaev aýylyndaǵy orta mektepte tarih pániniń muǵalimi bolyp bastady. 1987-1992 jyldary komsomol organdarynda jumys istedi. Osy kezeńde Chapaev aýdandyq komsomol komitetiniń komsomol uiymdary bóliminiń nusqaýshysy, meńgerýshisi, Oral oblystyq komsomol komitetiniń uiymdastyrý-odaqtyq jumys bóliminiń nusqaýshysy, meńgerýshisi, hatshy-meńgerýshisi bolyp jumys istedi.
1992-1994 jyldary Oral oblystyq ákimshiliginiń jastar isi jónindegi komitetiniń tóraǵasy bolyp jumys istedi.
1994-2000 jyldary Batys Qazaqstan oblysynyń jastar isi, týrizm jáne sport basqarmasynyń basshysy, týrizm jáne sport basqarmasynyń basshysy boldy.
2000-2001 jyldary Batys Qazaqstan oblysy teleradiokompaniiasynyń tóraǵasy boldy.
2001-2002 jyldary — Batys Qazaqstan oblysy ákiminiń orynbasary.
2002-2006 jyldary Batys Qazaqstan oblysy Aqjaiyq aýdanynyń ákimi qyzmetin atqardy. 2006-2007 jyldary — Batys Qazaqstan oblysy ákiminiń orynbasary.
2007-2011 jyldary — QR Parlamenti Májilisiniń IV shaqyrylymynyń depýtaty, Ekonomikalyq reforma jáne óńirlik damý komitetiniń múshesi.
2012-2016 jyldary — QR Parlamenti Májilisiniń V shaqyrylymynyń depýtaty, Ekologiia máseleleri jáne tabiǵat paidalaný komitetiniń hatshysy.
2016-2021 jyldary — QR Parlamenti Májilisiniń VI shaqyrylymynyń depýtaty, Ekologiia máseleleri jáne tabiǵat paidalaný komitetiniń múshesi.
