Foto: ashyq derekkóz
Elimizdiń Ekologiia ministrligi Ózbekstanǵa kiik berý máselesine qatysty málimdeme jasady, dep habarlaidy Ult.kz.
"Osy jyldyń 22 shildesinde Ózbekstan Respýblikasy Ekologiia, qorshaǵan ortany qorǵaý jáne klimattyń ózgerýi ministrliginiń resmi resýrsynda Ózbekstan men Qazaqstan arasynda kiikti saqtaý salasyndaǵy ózara túsinistik týraly Memorandýmǵa qol qoiýǵa daiyndyq júrip jatqany týraly habarlanǵan.
Memorandým jobasy jumys tártibimen Qazaqstan tarapyna usynyldy jáne qazirgi ýaqytta qaralý satysynda tur.
Osy máseleniń tabiǵatty qorǵaý mańyzdylyǵyn eskere otyryp, memorandýmnyń mazmuny eki eldiń jaýapty ǵylymi mekemeleri men ýákiletti memlekettik organdaryn tarta otyryp, pysyqtaýdy talap etetinin atap ótken jón.
Sonymen qatar janýarlar dúniesi ókilderin berý, sondai-aq memorandým jasasý máseleleri memleketaralyq sanatqa jatady jáne tiisti deńgeide sheshim qabyldaýdy talap etedi", - delingen habarlamada.
Aita keteiik, buǵan deiin Qazaqstan Qytaiǵa 1500 kiik tartý etetinin jazǵan edik.
