QR Ekologiia jáne QR Ishki ister ministrlikteri brakonerlermen kúresý úshin kúsh biriktirmek, dep habarlaidy "Ult aqparat" QR Ekologiia ministrliginiń Telegram kanalyna silteme jasap.
«Balqash-Alakól basseininiń sý aidyndarynda brakonerliktiń aldyn-alý jáne onymen kúresý maqsatynda, ekologiia, geologiia jáne tabiǵi resýrstar men ishki ister ministrleriniń arasynda Balqash-Alakól basseininiń sý aidyndarynda brakonerlikpen kúres boiynsha operativtik-profilaktikalyq is-sharalar júrgizý boiynsha qabyldanǵan jospar jáne birlesken buiryqqa qol qoiyldy»,-delingen habarlamada.
Atalǵan qujattardy iske asyrý maqsatynda, atalǵan ministrlikterdiń ortalyq apparatynyń jáne qurylymdyq bólimderiniń tájiribeli qyzmetkerlerinen jumys toby quryldy.
Sonymen qatar, Qapshaǵai qalasynda Jumys tobynyń alǵashqy otyrysy ótip, onda qurylǵan birlesken mobildik toptar jumysynyń negizgi baǵyttary belgilendi.
Alǵashqy otyrys respýblikalyq jáne oblystyq mańyzy bar buqaralyq aqparat quraldary ókilderiniń qatysýymen ótti.
Odan basqa, atalǵan is-sharanyń bastalýyn tanymal áleýmettik jelilerde keńinen jariialaý maqsatynda, májiliske Almaty oblysy boiynsha jemqorlyqqa qarsy «Adaldyq alańy» ortalyǵynyń, «Master lodok» eriktiler toby, Almaty oblysy boiynsha «Balyq sharýashylyqtary qaýymdastyǵy-BD» respýblikalyq qaýymdastyǵy, QR áýesqoilyq-sporttyq balyq aýlaý federatsiiasynyń basshylary jáne «Ohotniki KZ» saity ákimshiliginiń ókilderi qatysty.
Júrgizilgen jumystar barysy jáne nátijeleri týraly aqparat buqaralyq aqparat quraldary men internet-resýrstary arqyly jariialanyp turady.
