QR ekologiia, geologiia jáne tabiǵi resýrstar vitse-ministri Serik Qojaniiazov Qyrǵyzstannyń birneshe ministrliginiń basshylyǵymen kezdesti, dep habarlaidy "Ult aqparat" ekologiia ministrliginiń baspasóz qyzmetine silteme jasap.
2021 jylǵy 28 mamyrda Bishkek qalasynda (Qyrǵyzstan) QR ekologiia, geologiia jáne tabiǵi resýrstar vitse-ministri Serik Qojaniiazov Qyrǵyzstannyń birneshe ministrlikteriniń basshylyǵymen kezdesti.
Kezdesý qorytyndysy boiynsha birqatar kelisimderge qol jetkizildi.
QR Energetika ministrliginiń basshylyǵymen ótken kelissózder barysynda taraptar taýar almasý boiynsha alynǵan elektr energiiasyn jáne sýdyń balamaly kólemin qyrǵyz tarapynyń Qazaqstanǵa qaitarý merzimderi men kólemin kelisti.
Aita keteiik, biylǵy jyldyń naýryz aiynda Qazaqstan memleket basshylary deńgeiindegi ýaǵdalastyqqa sáikes osy jyly Qyrǵyzstanǵa 900 mln. kVt/saǵ elektr energiiasyn jetkizedi. Bul rette Qyrǵyzstan taiaýdaǵy úsh jyldyń jaz ailary ishinde osy kólemnen 300 mln. kVt/saǵ elektr energiiasyn qaitarýǵa jáne Toqtoǵul sý qoimasynan 330 mln. tekshe m-den, iaǵni jyl saiyn maýsym-tamyz aralyǵynda (2023 jylǵa deiingi merzimdi qosa alǵanda) qosymsha sý jiberýdi júzege asyrýy tiis.
Kestege sáikes qaitarý jumystary 2021 jyldyń 1 maýsymynan bastalady.
Taraptar osy jyldyń maýsym aiynda Qyrǵyz tarapy Qazaqstanǵa 70 mln. kVt/saǵ elektr energiiasyn qaitaratynyn jáne Toqtoǵul sý qoimasynan 77 mln. tekshe metr kólemde qosymsha sý jiberýdi júzege asyratynyn kelisti. Tiisti hattamany Qazaqstan tarapynan «KEGOC» AQ jáne «Samuryq-Energo» AQ kelisti.
Sonymen qatar, búgin Ekologiia vitse-ministri Serik Qojaniiazov QR Premer-Ministriniń orynbasary - Syrtqy ister ministri M.B. Tileýberdiniń resmi sapary aiasynda Qazaqstan men Qyrǵyzstan Syrtqy ister ministrleriniń kezdesýine qatysty. Kezdesýde keń aýqymdy máseleler, onyń ishinde 2021 jylǵy vegetatsiialyq kezeńde Qazaqstan agrarlaryn sýarmaly sýmen qamtamasyz etý jaiy talqylandy.
Sondai-aq, Serik Qojaniiazov Qyrǵyzstan Respýblikasynyń Aýyl sharýashylyǵy, sý sharýashylyǵy jáne óńirlerdi damytý ministrimen Shý ózeniniń basseini boiynsha sý ótkizý kestesi týraly kelissózder júrgizdi.
Qazirgi ýaqytta Georgievka magistraldy kanaly arqyly sý sekýndyna 9,8 tekshe metrden 11 tekshe/sek deiingi kólemde keledi. Kezdesýde qyrǵyz tarapy endi Georgievka magistraldy kanaly arqyly turaqty 12 tekshe/sek sý ótkizetini týraly ýaǵdalastyqqa qol jetkizildi. Shý ózeni boiynsha sý jaǵdaiy jaqsarǵan jaǵdaida kólemi ulǵaitylady.
