Ekologiia, geologiia jáne tabiǵi resýrstar ministrligi Kóbeituzdyń lastanyp, ol jaqtan tuzdyń tielip áketilýine bailanysty alańdaýshylyq bildirip otyr, dep habarlaidy "Ult aqparat".
«Jańa ǵana biz Kóbeituz kóline keldik. QR EGTRM Ekologiia, geologiia jáne tabiǵi resýrstar komitetiniń tóraǵasy Zulfyhar Joldasov bastaǵan ministrliktiń mamandarynan quralǵan top qajetti jumystardy atqaryp jatyr. Tiisti sharalar qabyldanýda. Sonymen birge ekologtar sýdyń sapasy tekserý úshin synamasyn aldy», - dep jazdy áleýmettik jelide ministrliktiń baspasóz hatshysy Samal Ibraeva.
Onyń aitýynsha, jumystyń aldyn ala qorytyndysy keshke jariialanady.
«Bul kóldi keiingi kezde týristerdiń lastaýyna jáne tuzdy tiep áketýine bailanysty Ekologiia, geologiia jáne tabiǵi resýrstar ministrligi alańdaýshylyq bildirip otyr», - dep habarlaidy Samal Ibraeva.
Eske sala ketsek, keshe elordadan 170 shaqyrym jerde ornalasqan Kóbeituz kóline karantin bitkenshe barýǵa tyiym salynǵany habarlanǵan bolatyn.
Ereimentaý aýdanynyń ákimi men mobildi baqylaý toby demalys kúnderi adamdar kóp shoǵyrlanǵan «Kóbeituz», «Teńiz» kóline reid uiymdastyryp, ákim Abai Áljanov ol jaqta reid júrgizgen bolatyn.
