QR Ekologiia, geologiia jáne sý resýrstary ministrligi Qaraǵandydaǵy kólik terezesinen kóringen arystan jóninde pikir bildirdi, dep habarlaidy "Ult aqparat".
«Keshe Qaraǵandydaǵy kólik terezesinen qarap turǵan arystannyń sýreti BAQ pen áleýmettik jelilerde kóp jariialandy. Oblystyq janýarlar dúniesi inspektsiiasynyń mamandary bul máseleni talqylady jáne onyń jergilikti bailanys zoobaǵynyń arystany ekeni belgili boldy. Biraq arystandy kóliktiń artqy oryndyǵynda tasymaldaýǵa ruqsat berilmegen. Atalǵan fakt boiynsha inspektorlar tekserý júrgizý úshin poltsiia departamentine aryz jazdy», - dep jazdy ministrliktiń resmi ókili Samal Ibraeva Facebook jelisinde.
Sonymen birge, resmi ókil Qazaqstanda bailanys zoobaǵy qyzmeti Qazaqstanda toqtatylýy kerek dep sanaidy, óitkeni bul sensatsiialyq fotodaǵydai saldarǵa ákep soǵady. Bul janýarlar úshin de, adamdar úshin de belgili bir qaýip týdyrady.
«Jalpy, sońǵy ýaqytta elimizde jabaiy ańdardy úide ustaý jaǵdailary jiilep ketti. Meniń oiymsha, bul aqylǵa qonbaidy. Bul ańdarǵa kórsetilgen qatigezdik jáne adamdarǵa da qaýipti. Zańnamalyq túrde mundai faktilerdiń aldyn alatyn kez keldi. Ekzotikalyq janýarlar ustaityn adamdarǵa jáne oǵan jaǵdai jasaityndarǵa qatań jaýapkershilik sharalaryn anyqtaý qajet. Mundai faktilerdi biz ministrlik retinde jan-jaqty zerttep, jolyn kesýge niettimiz», - deidi Ibraeva.
Aita keteiik, aqpan aiynda Almaty oblysyndaǵy sharýa qojalyqtardyń birinen arystan tabylǵan edi.
