QR Ekologiia, geologiia jáne tabiǵi resýrstar ministriniń buiryǵymen Talǵat Baqtiiaruly Sátiev Qazaqstan Respýblikasy Ekologiia, geologiia jáne tabiǵi resýrstar ministrliginiń Geologiia komitetiniń tóraǵasy qyzmetine taǵaiyndaldy.
Bul týraly QR Premer-Ministriniń baspasóz qyzmeti habarlaidy.
Talǵat Sátiev 1973 jyly Shyǵys Qazaqstan oblysynda dúniege kelgen. Semei geologiialyq barlaý tehnikýmyn, V. I. Lenin atyndaǵy Qazaq ulttyq politehnikalyq institýtyn támamdaǵan.
Mamandyǵy boiynsha tehnik-geofizik, taý-ken injeneri. Eńbek jolyn 1992 jyly Semei qalasyndaǵy poligonǵa qyzmet kórsetý boiynsha jumysshy bolyp bastaǵan.
Semei qalasyndaǵy «Shyǵysqazjerqoinaýy» memlekettik mekemesiniń jer qoinaýyn qorǵaý jáne paidalaný jónindegi Semei inspektsiiasynda túrli laýazymdary atqarǵan.
2013 jyldan bastap 2014 jyl aralyǵynda Óskemen qalasyndaǵy «Shyǵysqazjerqoinaýy» Geologiia departamentiniń basshysy qyzmetinde boldy.
2014 jyldan bastap 2019 jyl aralyǵynda QR Investitsiialar jáne damý ministrliginiń Geologiia jáne jer qoinaýyn paidalaný komiteti tóraǵasynyń orynbasary bolyp jumys istedi.
2019 jylǵy tamyz aiynan bastap qazirgi ýaqytqa deiin QR ekologiia, geologiia jáne tabiǵi resýrstar ministrliginiń Geologiia komiteti tóraǵasynyń orynbasary qyzmetin atqardy.
