QR Ekologiia, geologiia jáne tabiǵi resýrstar ministrligi «ArselorMittal Temirtaý» AQ-ǵa qatysty jospardan tys tekserý júrgizedi, dep habarlaidy "Ult aqparat" atalmysh vedomostvonyń baspasóz qyzmetine silteme jasap.
Tekserý sebebi Qaraǵandy oblysy boiynsha ekologiia departamentiniń atmosferaǵa lastaýshy zattar shyǵaryndylarynyń ruqsat etilgen normalarynan asyp ketý faktisi tirkelgendigimen bailanysty.
Sonymen, 19 aqpanda, saǵat 16:30-da, úrleý kezinde gazdy tazartatyn alǵashqy skrýbberdiń qabyrǵalaryna jabysqan shań N2 konverterge qulady. Balqý dereý toqtatyldy.
Ekologiia ministrligi azamattardyń aimaqtaǵy ekologiialyq ahýalǵa qatysty alańdaýshylyǵymen bólisetindigin de habarlaimyz. Sondyqtan, osyndai faktilerge qatysty jedel sharalar qabyldanatyn bolady.
Ashyqtyq jáne beitaraptylyq qaǵidattaryna negizdelgen tekserý qorytyndylary boiynsha,
Ekologiia ministrligi baspasóz máslihatyn ótkizýdi josparlap otyr.
Jańa ekologiialyq kodekske sáikes iri kásiporyndar eń ozyq qoljetimdi tehnologiialardy (OQT), iaǵni búgingi kúni shyǵaryndylar deńgeiin barynsha tómendetý úshin zamanaýi súzgilerdi engizýi tiis. Bul talap zańmen bekitilgen jáne biyl kúshine enedi.
Sonymen qatar, 2019 jyldyń qazan aiynda Ekologiia ministrligi atalǵan kompaniiamen 2023 jylǵa deiin shyǵaryndylardy 30%-ǵa tómendetý týraly Memorandýmǵa qol qoiǵanyn habarlaimyz. Óńir turǵyndarynyń qatysýymen ótken sońǵy kezdesý kezinde ministr Maǵzum Myrzaǵaliev ArselorMittal Temirtaý basshylyǵynan sáýirde shyǵaryndylardy naqty josparmen jáne sandarmen azaitý jónindegi strategiianyń tusaýkeserin ótkizýdi talap etti.
