Ekologiia, geologiia jáne tabiǵi resýrstar ministrligi 2025 jylǵa qarai "ArselorMittal Temirtaý" kompaniiasynyń ziiandy shyǵaryndylaryn 20%-ke azaitýdy josparlap otyr. Bul týraly ministr Serikqali Brekeshev málimdedi, dep habarlaidy Sputnik Qazaqstan.
Aitýynsha, kompaniia kelesi jylǵa ekologiialyq ruqsat alý úshin qajetti qujattardy ministrlikke jibergen. Qazir olar qarastyrylyp jatyr.
"Eger "ArselorMittal Temirtaý" AQ biz qoiǵan talaptarǵa naqty usynystaryn aitpasa, ekologiialyq ruqsat ala almaidy. Biz bul baǵytta jumys istep jatyrmyz. Bizdiń basty maqsatymyz – 2025 jylǵa qarai "ArselorMittal Temirtaýdyń" ziiandy shyǵaryndylaryn 20%-ke azaitý. Tiisinshe, olar bizge bergen qujattarda muny kórsetý kerek. Eger naqty sharalar usynylmasa, biz ekologiialyq ruqsat bermeimiz", - dedi Brekeshev Májilis kýlýarynda.
Aitýynsha, eger kompaniia óz betinshe jumysty jalǵastyrsa, zań boiynsha tekseris júrgizilip, aiyppul salynady.
Brekeshev osy sársenbide Qaraǵandy oblysynyń turǵyndarymen arnaiy kezdesý ótkizetinin, jiynda "ArselorMittal Temirtaý" kompaniiasynyń problemasy kóteriletinin málimdedi.
