ەكولوگييا, گەولوگييا جەنە تابيعي رەسۋرستار مينيسترلٸگٸ 2025 جىلعا قاراي "ارسەلورميتتال تەمٸرتاۋ" كومپانيياسىنىڭ زيياندى شىعارىندىلارىن 20%-كە ازايتۋدى جوسپارلاپ وتىر. بۇل تۋرالى مينيستر سەرٸكقالي برەكەشەۆ مەلٸمدەدٸ, دەپ حابارلايدى Sputnik قازاقستان.
ايتۋىنشا, كومپانييا كەلەسٸ جىلعا ەكولوگييالىق رۇقسات الۋ ٷشٸن قاجەتتٸ قۇجاتتاردى مينيسترلٸككە جٸبەرگەن. قازٸر ولار قاراستىرىلىپ جاتىر.
"ەگەر "ارسەلورميتتال تەمٸرتاۋ" اق بٸز قويعان تالاپتارعا ناقتى ۇسىنىستارىن ايتپاسا, ەكولوگييالىق رۇقسات الا المايدى. بٸز بۇل باعىتتا جۇمىس ٸستەپ جاتىرمىز. بٸزدٸڭ باستى ماقساتىمىز – 2025 جىلعا قاراي "ارسەلورميتتال تەمٸرتاۋدىڭ" زيياندى شىعارىندىلارىن 20%-كە ازايتۋ. تيٸسٸنشە, ولار بٸزگە بەرگەن قۇجاتتاردا مۇنى كٶرسەتۋ كەرەك. ەگەر ناقتى شارالار ۇسىنىلماسا, بٸز ەكولوگييالىق رۇقسات بەرمەيمٸز", - دەدٸ برەكەشەۆ مەجٸلٸس كۋلۋارىندا.
ايتۋىنشا, ەگەر كومپانييا ٶز بەتٸنشە جۇمىستى جالعاستىرسا, زاڭ بويىنشا تەكسەرٸس جٷرگٸزٸلٸپ, ايىپپۇل سالىنادى.
برەكەشەۆ وسى سەرسەنبٸدە قاراعاندى وبلىسىنىڭ تۇرعىندارىمەن ارنايى كەزدەسۋ ٶتكٸزەتٸنٸن, جيىندا "ارسەلورميتتال تەمٸرتاۋ" كومپانيياسىنىڭ پروبلەماسى كٶتەرٸلەتٸنٸن مەلٸمدەدٸ.
