Jatyrdan tys uryqtandyrýǵa (EKO) kvotalardy kóbeitý arqyly eldegi demografiialyq ósimdi jaqsartyp, otbasylardy saqtap qalýǵa bolady. QR Májilisiniń depýtaty Juldyz Omarbekova Prezidenttiń búgingi Joldaýyna qatysty osyndai pikir bildirdi, dep habarlaidy QazAqparat.
Depýtat Memleket basshysy kótergen otbasylyq-demografiialyq ahýalǵa toqtaldy.
«Prezidenttiń búgingi Joldaýy mazmundy boldy. Úlken reformalardy qajet etetin kóptegen bastamalar aityldy. Otbasylyq máseleler jónindegi burynǵy vitse-ministr retinde jas otbasylar úshin qýandym. EKO baǵdarlamalary aiasynda kvota sany kóbeietin boldy. Onyń sany 7 myńǵa deiin jetedi, iaǵni 7 ese kóp. Bul – balaly bolýdy armandaityn otbasylarǵa úlken kómek», - dedi depýtat.
Sonymen qatar, ol Q.Toqaev barlyq sala boiynsha tiimdi sheshimder usynǵanyn atap ótti.
«Memleket basshysy tiimdi ári qurylymdyq sheshimder usynyp otyr. Barlyq mindetter popýlizmnen naqty is-áreketterge aýysady. Biz adamdardyń ómirin jaqsartý úshin aldymyzǵa naqty mindetter qoiýdamyz. Qasym-Jomart Toqaev – halyq únine qulaq asatyn bilimdi Prezident. Prezident búgin qazaqstandyqtardy mazalaityn barlyq negizgi problemalardy atady. Aldaǵy ýaqytta Memleket basshysynyń barlyq tapsyrmalary oryndalady degen úlken úmit bar», - dep qorytyndylady Juldyz Omarbekova.
