جاتىردان تىس ۇرىقتاندىرۋعا (ەكو) كۆوتالاردى كٶبەيتۋ ارقىلى ەلدەگٸ دەموگرافييالىق ٶسٸمدٸ جاقسارتىپ, وتباسىلاردى ساقتاپ قالۋعا بولادى. قر مەجٸلٸسٸنٸڭ دەپۋتاتى جۇلدىز وماربەكوۆا پرەزيدەنتتٸڭ بٷگٸنگٸ جولداۋىنا قاتىستى وسىنداي پٸكٸر بٸلدٸردٸ, دەپ حابارلايدى قازاقپارات.
دەپۋتات مەملەكەت باسشىسى كٶتەرگەن وتباسىلىق-دەموگرافييالىق احۋالعا توقتالدى.
«پرەزيدەنتتٸڭ بٷگٸنگٸ جولداۋى مازمۇندى بولدى. ٷلكەن رەفورمالاردى قاجەت ەتەتٸن كٶپتەگەن باستامالار ايتىلدى. وتباسىلىق مەسەلەلەر جٶنٸندەگٸ بۇرىنعى ۆيتسە-مينيستر رەتٸندە جاس وتباسىلار ٷشٸن قۋاندىم. ەكو باعدارلامالارى اياسىندا كۆوتا سانى كٶبەيەتٸن بولدى. ونىڭ سانى 7 مىڭعا دەيٸن جەتەدٸ, ياعني 7 ەسە كٶپ. بۇل – بالالى بولۋدى ارماندايتىن وتباسىلارعا ٷلكەن كٶمەك», - دەدٸ دەپۋتات.
سونىمەن قاتار, ول ق.توقاەۆ بارلىق سالا بويىنشا تيٸمدٸ شەشٸمدەر ۇسىنعانىن اتاپ ٶتتٸ.
«مەملەكەت باسشىسى تيٸمدٸ ەرٸ قۇرىلىمدىق شەشٸمدەر ۇسىنىپ وتىر. بارلىق مٸندەتتەر پوپۋليزمنەن ناقتى ٸس-ەرەكەتتەرگە اۋىسادى. بٸز ادامداردىڭ ٶمٸرٸن جاقسارتۋ ٷشٸن الدىمىزعا ناقتى مٸندەتتەر قويۋدامىز. قاسىم-جومارت توقاەۆ – حالىق ٷنٸنە قۇلاق اساتىن بٸلٸمدٸ پرەزيدەنت. پرەزيدەنت بٷگٸن قازاقستاندىقتاردى مازالايتىن بارلىق نەگٸزگٸ پروبلەمالاردى اتادى. الداعى ۋاقىتتا مەملەكەت باسشىسىنىڭ بارلىق تاپسىرمالارى ورىندالادى دەگەن ٷلكەن ٷمٸت بار», - دەپ قورىتىندىلادى جۇلدىز وماربەكوۆا.
