Sýret: ashyq derekkóz
Ekinshi jartyjyldyqtan bastap Qazaqstandyq stýdentterge jańa stipendiia taǵaiyndalady. Kimderdiń shákirtaqysy qansha teńgege ósedi, dep habarlaidy "Ult aqparat" Tengrinews.kz portalyna silteme jasap.
Ǵylym jáne joǵary bilim ministrliginiń joǵary jáne joǵary oqý ornynan keiingi bilim komitetiniń habarlaýynsha, osy jyldyń birinshi qyrkúieginen bastap shákirtaqy ósedi:
- bakalavrlarǵa - 20 paiyzǵa (41 898 teńgeden 47 135 teńgege deiin, al pedagogika baǵytynda oqityndarǵa 67 200 teńgeden 75 600 teńgege deiin);
- magistranttar men doktoranttarǵa - 15 paiyzǵa (97 024 teńgeden 107 061 teńgege deiin, doktoranttarda tiisinshe 217 500 teńgeden 240 000 teńgege deiin).
2021-2025 jyldarǵa arnalǵan jol kartasyna sáikes, stipendiia eki esege ulǵaitylady. Bul rette esepteýler kezinde bazalyq stipendiia úshin 2020 jylǵy shákirtaqylardyń mólsheri esepke alynady. Mysaly, bakalavrlarda bul soma 26 186 teńgeni quraǵan demek osy soma jyl saiyn 20 paiyzǵa artady.
"Osyǵan uqsas esepteý tetigi densaýlyq saqtaý ministrligi men Nazarbaev Ýniversitetiniń stipendiialaryn qospaǵanda, magistratýrada da, doktorantýrada da qoldanyldy", - dep naqtylady komitet.
Jol kartasyn iske asyrý úshin qazirgi ýaqytta Úkimet qaýlysynyń jobasy ázirlendi. Qujatqa sáikes, 2024 jyldyń qyrkúieginen bastap shákirtaqylar bylai ulǵaiady:
- joǵary bilim berý baǵdarlamalaryn iske asyratyn bilim berý uiymdarynda oqityn stýdentterge, daiarlaýdyń pedagogikalyq baǵyttary jáne "densaýlyq saqtaý" baǵyty boiynsha oqityn stýdentterdi qospaǵanda – 41 898 teńgeden 47 135 teńgege deiin;
- joǵary bilim berý baǵdarlamalaryn iske asyratyn bilim berý uiymdarynda daiarlaýdyń pedagogikalyq baǵyttary boiynsha oqityn stýdentterge – 67 200-den 75 600 teńgege deiin;
- Joǵary bilim berý baǵdarlamalaryn iske asyratyn bilim berý uiymdarynda "Densaýlyq saqtaý" daiarlaý baǵyty boiynsha oqityn stýdentterge – 67 200-den 75 600 teńgege deiin;
- internderge – 75 890 teńgeden 85 376 teńgege deiin;
- magistranttarǵa – 97 024 teńgeden 107 061 teńgege deiin;
- doktoranttarǵa – 217 500 teńgeden 240 000 teńgege deiin;
- "Densaýlyq saqtaý" daiarlaý baǵyty boiynsha oqityn doktoranttardyń shákirtaqysy – 217 500 teńgeden 240 000 teńgege deiin;
- "Densaýlyq saqtaý" daiarlaý baǵyty boiynsha rezident dárigerler men magistranttarǵa – 111 579 teńgeden 123 122 teńgege deiin.
Komitet atap ótkendei, osy jyldyń biýdjetinde stipendiialardy ulǵaitýǵa qarajat tolyq kólemde josparlanǵan. Ósim esebinen 180 myńnan astam stýdenttiń tabysy artady.
