Jambyl oblysy ákimdigi densaýlyq saqtaý basqarmasy basshysynyń orynbasary Hamit Myrzaqasymov Taraz qalasyndaǵy kópbeiindi aýrýhanada ekinshi qazaqstandyq vaktsinanyń qalai zerttelip jatqanyn aitty, dep habarlaidy QazAqparat.
«Otandyq ekinshi sýbbirlikti vaktsina boiynsha aitsaq, klinikalyq synaqtyń birinshi kezeńinde zertteýden 44 adam ótti. Endi ekinshi kezeńge 200 adam jinaqtalyp jatyr. Qazirgi tańda 130 adam taldaýlardyń bárinen tekserilip, vaktsina salyndy. Qalǵan 70 adamdy zerttep jatyrmyz. Zertteýden durys ótken jaǵdaida eriktilerge de vaktsina egemiz», - dedi basqarma ókili.
Onyń aitýyna qaraǵanda, jańa vaktsinanyń klinikalyq zertteýine eriktiler aýdandardan da tartylǵan.
«Basqa aýdandardan erikti adamdar ákelgenimiz ras. Qordai jáne basqa aýdandardan keldi. Olar Tarazdaǵy kópbeiindi aýrýhananyń bazasynda ǵana tekseriledi. Sol bazanyń ózinde zerthana bar. Tekserýlerdiń bári sonda ótkiziledi. Ol 6 aiǵa deiin sozylady. Eriktilerdiń óz kelisimi boiynsha 6 aidyń ishinde olar kestege sáikes taldaý tapsyrýǵa jáne qadaǵalaýǵa kelip turady», - dedi Hamit Myrzaqasymov.
