Endi ekibastuzdyq ata-analar úshin balasyn balabaqshaǵa kezekke qoiý buryńǵydai qiyndyq týdyrmaidy. Ol úshin tek uialy telefon men internettiń ǵana kómegi jetkilikti. Ata-analar «Balabaqsha.sitcen.kz» saityna arnaiy kirip, avtomattandyrylǵan qyzmet túrine qol jetkize alady.
Qazirgi tańda bul qyzmet túri bir júiege keltirilip, eshqandai kedergisiz jumys jasaýda. Avtomattandyrylǵan júie arqyly ata-analar portalǵa tirkelip, óz ótinishterin qaldyryp, balabaqsha kezeginiń jyljý barysyn qadaǵalai alady. Al, kelip túsken ótinishterdi tirkeý, eki jaqty kelisim-shart jasasý qyzmetteri ata-ana men balabaqsha arasynda ǵana júzege asady.
Portalda kórsetilgen málimet boiynsha, búginde balabaqsha kezegine turýǵa kelip túsken ótinishterdiń sany 19 817 quraidy. Avtomattandyrylýǵa qosylǵan balabaqshalardyń sany 1 599 quraǵan. Ekibastuz qalasy boiynsha tirkelgen balabaqshalar qatarynda «Altynai», «Radýga», «Malysh», «Balaýsa», «Qarlyǵash», «Baldáýren», «Balapan», t.b. balabaqshalary bar. Al, oblysta ótken jyly 500 bala balabaqshaǵa joldama alǵan.
«Balabaqsha SitCen» avtomattandyrylǵan júiesin ornatýǵa birneshe firma óz qyzmetterin usynǵan. Qala ákimdiginiń aitýy boiynsha, atalǵan qyzmet túri ata-analarǵa óte tiimdi bolmaq. Portalda máselelerdiń alqalyq sheshimi jáne tárbieshiler, ata-analar, memlekettik organdar arasyndaǵy kásibi ashyq dialog júrgiziledi. Sondai-aq, saitta ata-anaǵa qajetti barlyq aqparattar tizimi de berilgen. Kez-kelgen ata-ana ózine qajetti aqparattardy kórsetilgen bólimderge kirý arqyly ala alady.
Aita ketetin jait, jańa júieni iske qosý elimizdegi «Tsifrlyq Qazaqstan» memlekettik baǵdarlamasyń aiasynda júzege asyrylyp otyr. Bul portaldyń tiimdiligi ata-analarǵa ýaqyt jaǵynan utýǵa jáne atqarylǵan jumystar barysynda ashyqtyqtyń bolýyna septigin tigizbek.
