Pavlodar oblysynyń prokýratýrasy Ekibastuzdaǵy tótenshe jaǵdai boiynsha qylmystyq is qozǵady, - dep habarlaidy Tengrinews.kz.
Pavlodar oblysynyń prokýratýrasy jylý jelilerindegi iri zaqymdaný, jelilik sýdyń qysymyn tómendetý jáne "Ekibastýzteploenergo" JShS sý jylytý qazandyqtaryn toqtatý faktisi boiynsha Qazaqstan Respýblikasy Qylmystyq kodeksiniń 254-baby (mindetterge josyqsyz qaraý) boiynsha sotaldy tergeýdi tirkedi, ol úshin 5 jylǵa deiingi merzimge bas bostandyǵynan aiyrý túrindegi jaza kózdelgen.
"Sotaldy tergeý Pavlodar oblysy boiynsha Politsiia departamenti, Ekonomikalyq tergeý departamenti jáne Sybailas jemqorlyqqa qarsy is-qimyl departamenti qyzmetkerleriniń vedomstvoaralyq jedel-tergeý tobyna tapsyryldy. Pavlodar oblysy prokýrorynyń qaýlysymen qylmystyq qýdalaýdyń zańdylyǵyn qadaǵalaýdy júzege asyrý boiynsha protsessýaldyq prokýrorlarynyń toby aiqyndaldy", - delingen habarlamada.
Tergeý barysy oblys prokýrorynyń jeke baqylaýyna alyndy.
Eske salaiyq, apat saldarynan birneshe kópqabatty jáne jeke turǵyn úi, birqatar áleýmettik nysandar jylýsyz qalyp, 123 turǵyn, onyń ishinde balalar da evakýatsiialanǵan bolatyn. Bilim berý nysandary qashyqtyqtan oqytý formatyna kóshti, balabaqshalardyń jumysy toqtatyldy.
