Jeksenbiden beri jylýǵa jarymai otyrǵan Ekibastuzdyń perzenthanasynan júkti áielder shuǵyl túrde Pavlodarǵa jiberilip jatyr. Kóshirilgender arasynda aýyr naýqastar da bar, dep habarlaidy Sputnik Qazaqstan agenttigi KTK telearnasyna silteme jasap.
Qazir qaladaǵy barlyq meditsinalyq uiym baqylaýda. Aýrýhanadaǵy jylý da qalpyna keltirilgen. Ondaǵy naýqastardyń jaǵdaiyn ár eki-úsh saǵat saiyn baqylap otyrmyz, deidi densaýlyq saqtaý ministri Ajar Ǵiniiat.
"Tiisti jaǵdai jasalǵan aýrýhanalarda bar naýqas emdelip jatyr. Dári-dármek jetkilikti. Ministrlik ondaǵy densaýlyq saqtaý nysandaryna qatysty jaǵdaidy qadaǵalap otyr. Sonymen qatar beinebaqylaý júiesi arqyly da kómek kórsetiledi. Bosanatyn áielder birden Pavlodarǵa jiberiledi", - dedi Ǵiniiat.
Osy kúnderi sýyq ótip salqyn tigen adam bolmapty. Qala turǵyndaryna barlyq meditsinalyq kómek kórsetilip jatyr, dep sendirdi vedomstvo basshysy.
