جەكسەنبٸدەن بەرٸ جىلۋعا جارىماي وتىرعان ەكٸباستۇزدىڭ پەرزەنتحاناسىنان جٷكتٸ ەيەلدەر شۇعىل تٷردە پاۆلودارعا جٸبەرٸلٸپ جاتىر. كٶشٸرٸلگەندەر اراسىندا اۋىر ناۋقاستار دا بار, دەپ حابارلايدى Sputnik قازاقستان اگەنتتٸگٸ كتك تەلەارناسىنا سٸلتەمە جاساپ.
قازٸر قالاداعى بارلىق مەديتسينالىق ۇيىم باقىلاۋدا. اۋرۋحاناداعى جىلۋ دا قالپىنا كەلتٸرٸلگەن. ونداعى ناۋقاستاردىڭ جاعدايىن ەر ەكٸ-ٷش ساعات سايىن باقىلاپ وتىرمىز, دەيدٸ دەنساۋلىق ساقتاۋ مينيسترٸ اجار عينييات.
"تيٸستٸ جاعداي جاسالعان اۋرۋحانالاردا بار ناۋقاس ەمدەلٸپ جاتىر. دەرٸ-دەرمەك جەتكٸلٸكتٸ. مينيسترلٸك ونداعى دەنساۋلىق ساقتاۋ نىساندارىنا قاتىستى جاعدايدى قاداعالاپ وتىر. سونىمەن قاتار بەينەباقىلاۋ جٷيەسٸ ارقىلى دا كٶمەك كٶرسەتٸلەدٸ. بوساناتىن ەيەلدەر بٸردەن پاۆلودارعا جٸبەرٸلەدٸ", - دەدٸ عينييات.
وسى كٷندەرٸ سۋىق ٶتٸپ سالقىن تيگەن ادام بولماپتى. قالا تۇرعىندارىنا بارلىق مەديتسينالىق كٶمەك كٶرسەتٸلٸپ جاتىر, دەپ سەندٸردٸ ۆەدومستۆو باسشىسى.
