Ekibastuzda jaldamaly páterden tabylǵan "maýgli" balalar oqiǵasynan keiin bastalǵan qyzmettik tekseris aiaqtaldy, - dep habarlaidy Tengrinews.kz.
Talqylaý nátijesinde birqatar laýazymdy tulǵalar tártiptik jazaǵa tartyldy, al politsiia bastyǵynyń orynbasary men qalanyń bas pedagogi qyzmetinen ketken.
Pavlodar oblysy ákiminiń baspasóz qyzmeti málimetinshe, Ekibastuz qalalyq PB jergilikti politsiia qyzmeti bastyǵynyń orynbasary Sábit Qojeldaqov qyzmetinen bosatyldy. Qyzmettik tekseris barysynda qalalyq bilim bóliminiń basshysy Sáken Maidisarov qyzmetinen ketken. Sonymen qatar, Ekibastuz qalasy ákiminiń orynbasary Máriiam Malikovaǵa qatań sógis jariialanyp, Ekibastuz qalalyq jergilikti bilim bóliminiń bas mamany sógis alǵan. Sondai-aq, laýazymdyq mindetterdi qatań saqtaý týraly Ekibastuz PB JPQ bastyǵyna eskertý jasalyp, al qalalyq PB bastyǵynyń mindetin atqarýshyǵa qyzmetkerleriniń jumysyndaǵy kemshilikter kórsetilgen.
Mundai jaǵdai aldaǵy ýaqytta qaitalanbaýy úshin mamandar oblystyń PD basshylyǵyna, bilim, densaýlyq saqtaý, jumyspen qamtý jáne áleýmettik baǵdarlamalar basqarmalaryna birqatar usynystar bergen.
Eske salaiyq, Ekibastuzda jaldamaly páterlerdiń birinen tórt naýqas jáne ash bala tabyldy. Olar ata-analarymen birge antisanitariia jaǵdaiynda ómir súrip kelgen, úsh kún nár tatpaǵan. Úidegi úlken bala jeti jasta, qalǵandary bes, tórt jáne úshte. Balalar júre almaidy, adamdardan qorqady.
Keiinirek "maýgli" balalardyń oqiǵasy kútpegen jerden jalǵasyn tapty. Eriktiler olardyń maskúnem ápkesin taýyp aldy. Pavlodar oblysynda aýylda turatyn ol bir jasar sábiin jii sýyq, ot jaǵylmaǵan úide qaldyryp ketedi eken. Oqiǵa ornyna shaqyrylǵan áleýmettik qyzmet qyzmetkerleri úide úsip jatqan balany taýyp, ony dárigerlerge jetkizdi.
