Ekibastuz qalasyndaǵy apattan zardap shekken barlyq úidiń kireberisine jylý berildi, dep habarlaidy QazAqparat.
Jedel shtabtyń málimetinshe, saǵat 19:00-degi jaǵdai boiynsha qaladaǵy Máshhúr Júsip kóshesi, 52 jáne Sátbaev kóshesi, 8 mekenjaiyndaǵy 11 kireberiste sýmen jabdyqtaý jáne sý burý júielerin qalpyna keltirý jumystaryn júrgizý táýlik boiy jalǵasyp jatyr.
«Qazir apat saldarynan zardap shekken barlyq úidiń kireberisterine jylý berildi», -dep habarlady jedel shtabtan.
Ákimdiktiń call-ortalyǵyna jáne «Ekibastuzteploenergo» abonenttik qyzmetine turǵyndardyń jylý júiesiniń, onyń ishinde jeke sektordyń jumysyndaǵy aqaýlarǵa bailanysty kóptegen ótinish kelip túsýde. Barlyq ótinimder qabyldanady. Soǵan sáikes aqaýlardy joiý baǵytynda jumystar qolǵa alynady. Barlyq áleýmettik nysandar jylý berý júiesine tolyǵymen qosyldy. Mektepter men ómirlik qiyn jaǵdaiǵa tap bolǵan balalardy qoldaý ortalyqtarynda jylý temperatýrasy kóterile bastady», - dep tolyqtyrdy jedel shtabtan.
Eske sala ketelik, budan buryn shtabtan barlyq úige jylý berilgeni habarlanǵan edi.
Sondai-aq, Ekibastuzda áleýmettik nysandarǵa jylý berýdi qalpyna keltirý jumystary jalǵasyp jatqany habarlandy. Al, qala turǵyndary jylýǵa eki ai aqsha tólemeitin boldy.
