Foto: Pexels
30 jasar kelinshektiń artynda er balasy qalǵan. Al júktiligi boiynsha arnaiy esepke ótken jyldyń qazan aiynda turǵan, dep habarlaidy Kazinform agenttigi.
Oqiǵa seisenbi túnde Pavlodar oblysynyń Ekibastuz qalasynda bolǵan.
Áiel ózi turatyn kópqabatty úidiń terezesinen sekirip ketken. Jedel járdem qyzmetkerleri 30 jasar kelinshektiń sol jerde jantásilim etkenin anyqtady.
Qaitys bolǵan azamatsha júktiliktiń 22-aptasynda bolǵan.
— Jedel járdemdi 23 qańtar kúni saǵat 01:42-de shaqyrdy. Kólik oqiǵa ornyna 5 minýtta jetti. Meditsina qyzmetkerleri kelinshektiń oqiǵa ornynda jan tapsyrǵanyn tirkedi, - dep habarlady óńirlik jedel járdem stansasynyń baspasóz qyzmetinen.
Qaitys bolǵan kelinshektiń múrdesi sot-meditsinalyq saraptama jasaý úshin Pavlodar qalasyna jetkizildi.
Politsiia qazirgi ýaqytta qaiǵyly oqiǵanyń sebep-saldaryn anyqtap jatyr.
Belgili bolǵandai, áiel adam páterde anasymen jáne 10 jasar ulymen birge turǵan.
