Ekibastuzda jaiaý júrginshiler ótkelinde 14 jáne 4 jastaǵy eki balany kólik qaǵyp ketti. Jaraqat alǵan eki bala aýrýhanaǵa jetkizildi, - dep habarlaidy Tengrinews.kz.
Oqiǵa 1 naýryzda tańǵy saǵat 7.45-te Júsip pen Toraiǵyrov kósheleriniń qiylysynda bolǵan. Kólikti áiel júrgizip kele jatqan.
"Hyundai Accent kóliginiń 33 jastaǵy júrgizýshisi jol qaýipsizdigin saqtamai, jaiaý júrginshiler ótkelinde kele jatqan 2007 jáne 2017 jyly týǵan jaiaý júrginshilerdi qaǵyp ketken. Jol-kólik oqiǵasy saldarynan ártúrli dene jaraqatyn alǵan balalar aýrýhanaǵa jetkizildi", - dedi Pavlodar oblysynyń politsiia ókili.
