Ekibastuzda tótenshe jaǵdai rejimi alynyp tastaldy. Bul týraly qala ákimi Aian Beisekin Instagram-paraqshasynda jariialady.
"Qalada 28 qarashada engizilgen tótenshe jaǵdai rejimi alynyp tastaldy", - delingen habarlamada.
Eske salaiyq, 27 qarashada túnde, saǵat 01:20 shamasynda, Ekibastuz JEO-da qazandyq isten shyǵyp, on minýttan keiin taǵy úsheýi toqtaǵan bolatyn. Sol ýaqyttan beri qala turǵyndary jylý joq ekenin aityp, shaǵymdana bastaǵan.
Qalada tótenshe jaǵdai jariialanǵan edi. Tótenshe jaǵdai jóndeý-qalpyna keltirý jumystary aiaqtalǵanǵa deiin kúshinde bolatyny aityldy. Pavlodar oblysynyń prokýratýrasy Ekibastuzdaǵy tótenshe jaǵdai boiynsha qylmystyq is qozǵady.
Tórtinshi kúni QR premer-ministri Álihan Smaiylov jumys saparymen Ekibastuz qalasyna bardy. Al 1 jeltoqsanda Prezident Qasym-Jomart Toqaev Ábilqaiyr Sqaqovty Pavlodar oblysynyń ákimi laýazymynan bosatty. Sqaqovtyń ornyna Oleg Krýk Pavlodar oblysy ákiminiń mindetin ýaqytsha atqarýshy bolyp taǵaiyndaldy.
Al, keshe bul orynǵa Asaiyn Baihanov keldi.
