Pavlodar oblysynyń Ekibastuz qalasynda jantúrshigerlik qylmys boldy. Áleýmettik jelilerde taraǵan aqparatqa sáikes, qaladaǵy qoqys jáshikteriniń birinen áiel adamnyń bólshektelgen máiiti salynǵan birneshe qap tabylǵan, dep habarlaidy ult.kz.
Atalǵan derekke qatysty politsiia adam óltirý faktisi boiynsha qylmystyq is qozǵady. Quqyq qorǵaý organdarynyń málimetinshe, jedel-izdestirý sharalary barysynda qylmysqa qatysy bar degen kúdikpen bir adam ustalyp, ýaqytsha ustaý izoliatoryna qamaldy.
Qazirgi ýaqytta tergeý amaldary júrgizilip jatyr. Politseilerdiń aitýynsha, qylmystyń naqty mán-jaiy, áieldiń ólimine ne sebep bolǵany, sondai-aq kúdikti men marqumnyń arasyndaǵy bailanys jan-jaqty tekserilýde.
Tergeý múddesine bailanysty ózge aqparat ázirge jariialanǵan joq. Quqyq qorǵaý organdary azamattardy tek resmi derekkózderge súienýge jáne rastalmaǵan aqparatty taratpaýǵa shaqyrdy. Eger kúdiktiniń kinási sotta dáleldense, oǵan Qazaqstan Respýblikasynyń zańnamasyna sáikes jaza taǵaiyndalady.
