11 tamyzda Solnechnyi kentiniń 37 jastaǵy turǵyny úiiniń mańynda ustalyp, politsiia bólimine jetkizilgen. Biraz ýaqyttan keiin er adam es-tússiz kúide tabylǵan. Kórsetilgen meditsinalyq kómekke qaramastan, ol qaitys boldy, dep habarlaidy ult.kz Kriminalnyi Kazahstan telegram arnasyna silteme jasap.
Politsiianyń málimetinshe, buǵan deiin mas kúidegi er adamnyń qoǵamdyq tártipti buzyp, áiel adamǵa qoqan-loqy kórsetkeni týraly shaqyrtý túsken.
Qaza bolǵan er adamnyń týystary ony asylyp turǵan kúide tapqanyn aityp, oqiǵanyń barlyq mán-jaiyn anyqtaýdy talap etip otyr. Otbasy er adamnyń ne sebepti ustalǵanyna, tintý júrgizilgenine jáne politsiia bólimine jetkizilgennen keiin onyń baqylaýda bolǵan-bolmaǵanyna qatysty birqatar suraq qoiyp otyr.
Pavlodar oblysynyń PD málimetinshe, beinejazbalar tárkilendi. Qazir oqiǵanyń barlyq mán-jaiy anyqtalyp jatyr.
