Ekibastuzda adam ólimine qatysty kúdikti ustalyp, qylmys qarýy tárkilendi, dep habarlaidy Pavlodarnews.kz saity.
Pavlodar oblystyq Politsiia departamenti baspasóz qyzmetiniń málimeti boiynsha, 23 aqpan kúni saǵat 08:00-de Sátbaev kóshesindegi úidiń aýlasynda belgisiz adam ózge er adamǵa oq atyp, ol oqiǵa ornynda kóz jumǵan.
Atalǵan fakti boiynsha QR QK 99-baby 1-bóligine sáikes sotqa deiingi tergeý bastaldy.
«Jedel-izdestirý is-sharalarynyń nátijesinde politsiia qyzmetkerleri osy qylmysty jasady degen kúdikpen 65 jastaǵy er adamdy ustady.
Oqiǵanyń mán-jaiy men sebepteri anyqtalýda. Kúdikti Ekibastuz qalasynyń ýaqytsha ustaý izoliatoryna qamaldy. Qarý-jaraq tárkilendi. Qazaqstan Respýblikasy QPK-niń 201-babyna sáikes ózge aqparat tergeý múddesine orai jariialanbaidy», - dep habarlady PD bastyǵy Nurlan Másimov.
Eske sala keteiik, keshe Ekibastuzda qala turǵyndarynyń kózinshe er adamdy atyp ketken bolatyn. Qylmys barysy kóshedegi beinebaqylaý kameralaryna túsip qalǵan.
