Foto: pixabay.com
Ekibastuzda er adam jedel járdem kelip jetkenshe áielin ózi bosandyryp alǵan, dep habarlaidy Kazinform agenttigi.
Jedel járdem qyzmeti telefon arqyly kúieýine aqyl-keńesin berip turǵan. Qazirgi ýaqytta sábi men ananyń jaǵdaiy qalypty. Meditsinalyq brigada tolǵatyp jatqan áielge jetkenshe, kúieýi 103 dispetcheriniń barlyq nuslaýlyǵyn ornymen oryndap, kelinshegin bosandyryp alǵan. Áiel adam júktiliktiń 41-shi aptasynda bolǵan eken. Oqiǵa 28 qańtarǵa qaraǵanda túnde bolypty.
— 103 pýltine júkti áieldiń aiaq astynan tolǵaǵy bastalǵany týraly habarlama tústi. Bizdiń brigada jedeldiliktiń birinshi sanaty boiynsha shuǵyl jiberildi. Olar kórsetilgen mekenjaiǵa 9 minýtta jetti. Deiturǵanmen osy ýaqyt ishinde jedel járdem dispetcheri kelinshektiń jubaiyna bosandyrýdyń barlyq tásilderin telefon arqyly túsindirip otyrǵan. Er adam esh asyp-saspastan onyń nusqaýlaryn oryndap, áielin aman-esen bosandyryp aldy. Qazir dúniege kelgen er bala men onyń anasynyń densaýlyǵy qalypty. Olar perzenthanaǵa jatqyzyldy, - dep habarlady óńirlik jedel járdem qyzmeti stansasynan.
Byltyr pavlodarlyq jedel járdem qyzmetkerleri 22 áieldi úide bosandyrǵan. Al biylǵy jyl basynan úide tolǵatyp jatqan 6 áielge shaqyrtý túsken. Kóp jaǵdaida «qońyraýdy ustap turý» ádisi, iaǵni 103 dispetcheriniń aqyl-keńesi paidalanylǵan.
Oblystyq jedel járdem stansasy basshysynyń orynbasary Olga Verbovaianyń aitýynsha, bosandyrý sharalaryn 103 qyzmetiniń kez kelgen qyzmetkeri júzege asyra alady. Byltyr neonatologiia boiynsha 100 qyzmetker biliktiligin arttyrǵan.
