فوتو: pixabay.com
ەكٸباستۇزدا ەر ادام جەدەل جەردەم كەلٸپ جەتكەنشە ەيەلٸن ٶزٸ بوساندىرىپ العان, دەپ حابارلايدى Kazinform اگەنتتٸگٸ.
جەدەل جەردەم قىزمەتٸ تەلەفون ارقىلى كٷيەۋٸنە اقىل-كەڭەسٸن بەرٸپ تۇرعان. قازٸرگٸ ۋاقىتتا سەبي مەن انانىڭ جاعدايى قالىپتى. مەديتسينالىق بريگادا تولعاتىپ جاتقان ەيەلگە جەتكەنشە, كٷيەۋٸ 103 ديسپەتچەرٸنٸڭ بارلىق نۇسلاۋلىعىن ورنىمەن ورىنداپ, كەلٸنشەگٸن بوساندىرىپ العان. ەيەل ادام جٷكتٸلٸكتٸڭ 41-شٸ اپتاسىندا بولعان ەكەن. وقيعا 28 قاڭتارعا قاراعاندا تٷندە بولىپتى.
— 103 پۋلتٸنە جٷكتٸ ەيەلدٸڭ اياق استىنان تولعاعى باستالعانى تۋرالى حابارلاما تٷستٸ. بٸزدٸڭ بريگادا جەدەلدٸلٸكتٸڭ بٸرٸنشٸ ساناتى بويىنشا شۇعىل جٸبەرٸلدٸ. ولار كٶرسەتٸلگەن مەكەنجايعا 9 مينۋتتا جەتتٸ. دەيتۇرعانمەن وسى ۋاقىت ٸشٸندە جەدەل جەردەم ديسپەتچەرٸ كەلٸنشەكتٸڭ جۇبايىنا بوساندىرۋدىڭ بارلىق تەسٸلدەرٸن تەلەفون ارقىلى تٷسٸندٸرٸپ وتىرعان. ەر ادام ەش اسىپ-ساسپاستان ونىڭ نۇسقاۋلارىن ورىنداپ, ەيەلٸن امان-ەسەن بوساندىرىپ الدى. قازٸر دٷنيەگە كەلگەن ەر بالا مەن ونىڭ اناسىنىڭ دەنساۋلىعى قالىپتى. ولار پەرزەنتحاناعا جاتقىزىلدى, - دەپ حابارلادى ٶڭٸرلٸك جەدەل جەردەم قىزمەتٸ ستانساسىنان.
بىلتىر پاۆلودارلىق جەدەل جەردەم قىزمەتكەرلەرٸ 22 ەيەلدٸ ٷيدە بوساندىرعان. ال بيىلعى جىل باسىنان ٷيدە تولعاتىپ جاتقان 6 ەيەلگە شاقىرتۋ تٷسكەن. كٶپ جاعدايدا «قوڭىراۋدى ۇستاپ تۇرۋ» ەدٸسٸ, ياعني 103 ديسپەتچەرٸنٸڭ اقىل-كەڭەسٸ پايدالانىلعان.
وبلىستىق جەدەل جەردەم ستانساسى باسشىسىنىڭ ورىنباسارى ولگا ۆەربوۆايانىڭ ايتۋىنشا, بوساندىرۋ شارالارىن 103 قىزمەتٸنٸڭ كەز كەلگەن قىزمەتكەرٸ جٷزەگە اسىرا الادى. بىلتىر نەوناتولوگييا بويىنشا 100 قىزمەتكەر بٸلٸكتٸلٸگٸن ارتتىرعان.
