1 jeltoqsan saǵat 08.00-degi jaǵdai boiynsha 17 kópqabatty turǵyn úi ortalyq jylý jelisine qosylmaǵan kúii qalyp otyr, dep habarlaidy QazAqparat Pavlodarnews resýrsyna silteme jasap.
Jedel shtabtyń málimetinshe, 5A, 5B jáne 6 shaǵyn aýdandarda 132 kópqabatty, 114 jeke úi jáne 13 áleýmettik nysanda jylýmen jabdyqtaý qalpyna keltirildi.
№ 6,8,9,12,14,15 6 qazandyqtar jumys istep tur, 4 qazandyq rezervte (№5,7,11,13).
— 30 qarasha kúni saǵat 23:51-de elektr jelisine shamadan tys júkteme túsýine bailanysty qalanyń shaǵyn aýdandarynyń birinde Sheshembekov jáne Toraiǵyrov kóshelerindegi segiz kóp qabatty turǵyn úide elektrmen jabdyqtaýda apattyq ajyratý oryn aldy. Qala ákimi turǵyndardyń kelisimimen jylytý pýnktterine ýaqytsha kóshirý týraly sheshim qabyldady. Saǵat 00:44-te elektrmen jabdyqtaý qalpyna keldi, turǵyndar kóshirilmedi, — dep jazylǵan habarlamada.
Bul apattyq sóndirý jylýmen jabdyqtaýǵa áser etken joq.
Esterińizge sala keteiik, azamattardy qabyldaý men jylytýdy uiymdastyrý úshin 14 ýaqytsha ornalastyrý pýnkti, 387 tósek-oryn jáne 1540 otyratyn oryn uiymdastyrylǵan.
Apattyq-qalpyna keltirý jumysyna barlyǵy 256 adam jáne 43 tehnika jumyldyryldy.
Foto: Konstantin Shelkov/ pavlodarnews.kz
