27 sáýir men 20 mamyr aralyǵynda Pavlodar oblysynyń Ekologiia departamenti Bolat Nurjanov atyndaǵy Ekibastuz GRES-1 JShS-ǵa qatysty birinshi jartyjyldyq josparly tekserý júrgizdi, dep habarlaidy Ekologiia ministrliginiń baspasóz qyzmeti.
"Tekserý barysynda 2018-2020 jyldarǵa arnalǵan parniktik gazdar shyǵaryndylaryna kvotalar bólýdiń ulttyq josparyndaǵy belgilengen ruqsat etilgen kvotalar kóleminen asyp ketý bóliginde ekologiialyq zańnamany buzýshylyq anyqtaldy.
Parniktik gazdar shyǵaryndylaryna kvotalar saýdasynyń qoldanystaǵy júiesi sheńberinde kásiporynmen ótelmegen kvota kólemi 2 mln. tonnadan astam SO2 qurady. Zańnama talaptaryna sáikes kásiporyn ekologiialyq zańnamada belgilengen merzimde naryqta kvotalar satyp alý arqyly jetispeitin kvotalar kólemin jabýǵa májbúr boldy.
Atalǵan buzýshylyq negizinde QR ÁQBtK-niń 329-babyna sáikes ákimshilik quqyq buzýshylyq týraly hattama toltyryldy" delingen habarlamada.
Aiyppul somasy 33 301 625 myń teńgeni qurady.
