Ulttyq qoǵamdyq senim keńesiniń hatshysy Erlan Qarin «Halyq únine qulaq asatyn memleket» tujyrymdamasy kúndelikti ómirde óz kórinisin taýyp jatyr dep esepteidi. Bul týraly ol Ulttyq keńestiń eki jyldaǵy jumysy qorytyndylanǵan jiynda aitty, dep habarlaidy QazAqparat.
«Prezident óz qyzmetine kiriskennen beri jariialanǵan eń úlken bastamalarynyń biri «Halyq únine qulaq asatyn memleket» tujyrymdamasy bolatyn. Tujyrymdamanyń bir mehanizminiń ózi - Ulttyq keńes. Odan basqa azamattardyń ótinishterin qabyldaý jónindegi arnaiy bólim qurylǵan bolatyn. Jalpy memlekettik apparat halyqpen, qoǵammen, azamattarmen tyǵyz qarym-qatynas ornatýǵa degen baǵdar jariialanǵan bolatyn. Bul ustanym kúndelikti ómirde óz kórinisin taýyp jatyr. Memlekettik qyzmetrlerdiń aqparat quraldarymen bailanysy bolsyn, turǵyndardyń ótinishterin, aryzdaryn, talaptaryn eskerý bolsyn, jańa aitylyp jatqan beibit jiyndar týraly zańnyń jumys istep jatqandyǵy, osynyń bári de qoǵam men memleket arasyndaǵy qarym-qatynastyń da ózgerip jatqanyn kórsetip jatyr», - degen Erlan Qarin qoǵam men memleket arasyndaǵy bailanys ekijaqty sipat alǵanyn basa aitty.
«Bul da eki-aq jyldyń ishinde qoǵam men memlekettiń arasyndaǵy qarym-qatynastyń jańa printsipialdy formasy qalyptasqanyn kórsetedi», - dedi Ulttyq keńes hatshysy.
