ۇلتتىق قوعامدىق سەنٸم كەڭەسٸنٸڭ حاتشىسى ەرلان قارين «حالىق ٷنٸنە قۇلاق اساتىن مەملەكەت» تۇجىرىمداماسى كٷندەلٸكتٸ ٶمٸردە ٶز كٶرٸنٸسٸن تاۋىپ جاتىر دەپ ەسەپتەيدٸ. بۇل تۋرالى ول ۇلتتىق كەڭەستٸڭ ەكٸ جىلداعى جۇمىسى قورىتىندىلانعان جيىندا ايتتى, دەپ حابارلايدى قازاقپارات.
«پرەزيدەنت ٶز قىزمەتٸنە كٸرٸسكەننەن بەرٸ جارييالانعان ەڭ ٷلكەن باستامالارىنىڭ بٸرٸ «حالىق ٷنٸنە قۇلاق اساتىن مەملەكەت» تۇجىرىمداماسى بولاتىن. تۇجىرىمدامانىڭ بٸر مەحانيزمٸنٸڭ ٶزٸ - ۇلتتىق كەڭەس. ودان باسقا ازاماتتاردىڭ ٶتٸنٸشتەرٸن قابىلداۋ جٶنٸندەگٸ ارنايى بٶلٸم قۇرىلعان بولاتىن. جالپى مەملەكەتتٸك اپپارات حالىقپەن, قوعاممەن, ازاماتتارمەن تىعىز قارىم-قاتىناس ورناتۋعا دەگەن باعدار جارييالانعان بولاتىن. بۇل ۇستانىم كٷندەلٸكتٸ ٶمٸردە ٶز كٶرٸنٸسٸن تاۋىپ جاتىر. مەملەكەتتٸك قىزمەترلەردٸڭ اقپارات قۇرالدارىمەن بايلانىسى بولسىن, تۇرعىنداردىڭ ٶتٸنٸشتەرٸن, ارىزدارىن, تالاپتارىن ەسكەرۋ بولسىن, جاڭا ايتىلىپ جاتقان بەيبٸت جيىندار تۋرالى زاڭنىڭ جۇمىس ٸستەپ جاتقاندىعى, وسىنىڭ بەرٸ دە قوعام مەن مەملەكەت اراسىنداعى قارىم-قاتىناستىڭ دا ٶزگەرٸپ جاتقانىن كٶرسەتٸپ جاتىر», - دەگەن ەرلان قارين قوعام مەن مەملەكەت اراسىنداعى بايلانىس ەكٸجاقتى سيپات العانىن باسا ايتتى.
«بۇل دا ەكٸ-اق جىلدىڭ ٸشٸندە قوعام مەن مەملەكەتتٸڭ اراسىنداعى قارىم-قاتىناستىڭ جاڭا پرينتسيپيالدى فورماسى قالىپتاسقانىن كٶرسەتەدٸ», - دەدٸ ۇلتتىق كەڭەس حاتشىسى.
