Jergilikti biýdjettiń shyǵystary 2,1 trln teńgeni qurady. Bul týraly Úkimet otyrysynda QR Qarjy ministri Erlan Jamaýbaev aitty, dep habarlaidy "Ult aqparat".
«Jergilikti biýdjettiń shyǵysy 2,1 trln teńgeni qurady. 28 mlrd teńge atqarylmaǵan. Biyl óńirlerge 1,9 teńge somasynda nysanaly transfert kózdelgen. Ol úshin 1 mamyrǵa 456 mlrd teńge bólingen. Onyń 98,9% igerilgen. 5 mlrd teńge igerilmegen, onyń 1 mlrd teńgesi únemdelgen bolsa, 4 mlrd teńgesi igerilmegen», - deidi Erlan Jamaýbaev.
Onyń aitýynsha, eń kóp igerilmegen soma Nur-Sultan jáne Almaty qalalary, Batys Qazaqstan, Pavlodar jáne Soltústik Qazaqstan oblystarynda qalyptasyp otyr.
