Niý-Iorkte qazaqstandyq Gennadii Golovkin men ýkrainalyq Sergei Derevianchenko arasyndaǵy jekpe-jektiń qorytyndysy boiynsha baspasóz máslihaty ótti. Eki boksshy da jýrnalister aldyna shyqqan joq. Bul týraly Sputnik agenttigi habarlaidy.
Ýkrainalyq boksshynyń promoýteri Lý DiBella Golovkin men Derevianchenko aýrýhanaǵa bara jatqandyqtan, baspasóz máslihatyna qatysa almaitynyn aitty.
Qos boksshynyń aiqasy Niý-Iorktegi Madison Square Garden arenasynda ótken bolatyn. Jekpe-jek barlyq 12 raýndqa sozyldy. Kezdesýdiń alǵashqy raýndynda qazaqstandyq bylǵary qolǵap sheberi qarsylasyn nokdaýnǵa jiberdi. Ekinshi raýdta Golovkinniń joiqyn soqqysynan ýkrainalyq boksshynyń qabaǵy jarylyp, jaraqat aldy.
Tóreshiler sheshimimen Gennadii Golovkin jeńiske jetti. Osylaisha, ol kásibi ringtegi 40-shy jeńisine qol jetkizip, orta salmaqta IBF jáne IBO tujyrymdary boiynsha álem chempiony atandy.
