Aqmola oblysynda iz-túzsiz joǵalǵan 48 jastaǵy áieldi izdeý jumystary jalǵasýda. Politsiia onyń Býrabai kýrorttyq aimaǵynda bolýy múmkin ekenin aityp, turǵyndar men demalýshylardan kómek surady, dep habarlaidy ult.kz.
Aqmola oblysy politsiia departamentiniń málimetinshe, Maral Quttybaiqyzy Ábýova 12 maýsym kúni Kókshetaýdaǵy úiinen belgisiz baǵytqa shyǵyp ketken. Sodan beri onymen bailanys úzilgen. Úiinde jubaiy men kámeletke tolmaǵan eki balasy kútip otyr.
Joǵalǵan áieldiń boiy shamamen 170 santimetr, dene bitimi aryqsha, shashy qara, kózi qońyr. Ústinde aqshyl tústi kóilek bolǵan.
Politsiianyń habarlaýynsha, ótinish túsken sátten bastap jedel-izdestirý sharalary júrgizilýde. Beinebaqylaý kameralarynyń jazbalary zerdelenip, týystary, tanystary men yqtimal kýágerlerden jaýap alynǵan.
Aldyn ala málimet boiynsha, izdeýdegi áielge uqsas adam Býrabai kýrorttyq aimaǵynda baiqalǵan. Osyǵan bailanysty politsiia Býrabaida júrgen turǵyndar men týristerden muqiiat bolyp, áieldi kórgen jaǵdaida birden quqyq qorǵaý organdaryna habarlaýdy suraidy.
Maral Quttybaiqyzy Ábýovanyń júrgen jeri týraly qandai da bir aqparatqa ie azamattardan 102 nómirine nemese jaqyn jerdegi politsiia bólimine habarlasý suralady.
