اقمولا وبلىسىندا ٸز-تٷزسٸز جوعالعان 48 جاستاعى ەيەلدٸ ٸزدەۋ جۇمىستارى جالعاسۋدا. پوليتسييا ونىڭ بۋراباي كۋرورتتىق ايماعىندا بولۋى مٷمكٸن ەكەنٸن ايتىپ, تۇرعىندار مەن دەمالۋشىلاردان كٶمەك سۇرادى, دەپ حابارلايدى ult.kz.
اقمولا وبلىسى پوليتسييا دەپارتامەنتٸنٸڭ مەلٸمەتٸنشە, مارال قۇتتىبايقىزى ەبۋوۆا 12 ماۋسىم كٷنٸ كٶكشەتاۋداعى ٷيٸنەن بەلگٸسٸز باعىتقا شىعىپ كەتكەن. سودان بەرٸ ونىمەن بايلانىس ٷزٸلگەن. ٷيٸندە جۇبايى مەن كەمەلەتكە تولماعان ەكٸ بالاسى كٷتٸپ وتىر.
جوعالعان ەيەلدٸڭ بويى شامامەن 170 سانتيمەتر, دەنە بٸتٸمٸ ارىقشا, شاشى قارا, كٶزٸ قوڭىر. ٷستٸندە اقشىل تٷستٸ كٶيلەك بولعان.
پوليتسييانىڭ حابارلاۋىنشا, ٶتٸنٸش تٷسكەن سەتتەن باستاپ جەدەل-ٸزدەستٸرۋ شارالارى جٷرگٸزٸلۋدە. بەينەباقىلاۋ كامەرالارىنىڭ جازبالارى زەردەلەنٸپ, تۋىستارى, تانىستارى مەن ىقتيمال كۋەگەرلەردەن جاۋاپ الىنعان.
الدىن الا مەلٸمەت بويىنشا, ٸزدەۋدەگٸ ەيەلگە ۇقساس ادام بۋراباي كۋرورتتىق ايماعىندا بايقالعان. وسىعان بايلانىستى پوليتسييا بۋرابايدا جٷرگەن تۇرعىندار مەن تۋريستەردەن مۇقييات بولىپ, ەيەلدٸ كٶرگەن جاعدايدا بٸردەن قۇقىق قورعاۋ ورگاندارىنا حابارلاۋدى سۇرايدى.
مارال قۇتتىبايقىزى ەبۋوۆانىڭ جٷرگەن جەرٸ تۋرالى قانداي دا بٸر اقپاراتقا يە ازاماتتاردان 102 نٶمٸرٸنە نەمەسە جاقىن جەردەگٸ پوليتسييا بٶلٸمٸنە حابارلاسۋ سۇرالادى.
