Mańǵystaý oblysynda tamaqtan ýlanǵandardyń sany 300-ge taiap qaldy. Bir ýaqytta eki bala jansaqtaý bóliminde jatyr, dep habarlaidy oblys ákimdigine silteme jasaǵan "Ult aqparat".
Mańǵystaý oblysynyń ákimi tamaqtan ýlanyp aýrýhanaǵa túsken oqýshylardyń jaǵdaiymen tanysty
Jeksenbi, 8-qyrkúiekte Mańǵystaý oblysynyń ákimi Nurdáýlet Qilybai oblystyq aýrýhanada jatqan oqýshylardyń jai-kúiin kórip, ata-analaryna balalarynyń tezirek saýyǵyp ketýin tiledi. Osy salaǵa jaýapty tulǵalarǵa ýlanǵan balalarǵa qajetti barlyq kómekti kórsetýdi jáne aýrýhanadaǵy jumys kestesin kúsheitýdi tapsyrdy.
Munda qazir 67 bala em qabyldaýda. Olar kúni keshe Munaily aýdanyndaǵy 8-mektepte jappai astan ýlanyp, aýrýhanaǵa túsken. Eki bala jansaqtaý bóliminde dárigerlerdiń jiti baqylaýynda.
Oblystyq ákimdik janyndaǵy jedel shtabtyń jumysy qarqyndy júrip jatyr. Densaýlyq saqtaý basqarmasy tarapynan shaqyrtýlarǵa dereý qyzmet kórsetý úshin oblystyq jedel jáne shuǵyl meditsinalyq kómek stantsiiasynyń 12 negizgi jáne 4 qosymsha brigadasy jumys istep jatyr. Sondai-aq, Munaily ortalyq aýdandyq aýrýhanasynyń shaqyrýlarǵa qyzmet kórsetýdiń 4 sanatty 4 brigadasy jáne Aqtaý qalasynyń 4 sanatty 7 brigadasy jumyldyryldy.
Oblystaǵy emhanalardyń psihologtar toby ata-analar men balalarǵa qajetti kómek kórsetýde.
"Aýrýhanada tiisti em-dom kórsetilýde. Dári-dármek pen tósek oryndary jetkilikti. Dál qazir eń bastysy, oqýshylardyń densaýlyǵy. Naýqastardyń tez jazylyp ketýine barlyq jaǵdaidy jasaýymyz qajet. Keiin osy jaǵdaiǵa bailanysty tiisti sharalar men sheshimder qabyldaityn bolamyz",- dedi Nurdáýlet Qilybai.
Buǵan deiin Mańǵystaý oblysynda mektep oqýshylary jappai ýlanyp jatqany týraly jazǵan bolatynbyz.
