Túrkistan qalasyna oryndalatyn áýe reisteriniń sany eki esege azaidy. Bul týraly búgin oblystyq Jolaýshylar kóligi jáne avtomobil joldary basqarmasynyń basshysy Rolan Ibragimov málimdedi, dep habarlaidy "Ult aqparat".
Basqarma basshysynyń sózinshe, qańtar aiynda onnan asa reis ushpai qalǵan. Keibir jolaýshylar biletterin keri tapsyrǵan. Oǵan óńirdegi aýa raiynyń tumandy bolýy sebep bolǵan kórinedi. Tumandy kún raiynyń kóp bolýynan «Qazaeroǵarysh» mekemesi birqatar reistiń ushýyna ruqsat etpei qoiǵan.
Sondai-aq, bastapqy kezde jańa áýejaiǵa úsh áýe kompaniiasy jolaýshy tasymaldasa, qańtar aiynda olardyń ekeýi qyzmet kórsetýden bas tartqan. Qazirgi tańda Túrkistannan tek Nur-Sultan jáne Almaty qalalaryna áýe reisteri oryndalýda.
«Qazaq Air» men «Scat» ushaqtary bortynyń tolýy 50 paiyz, 42 paiyzdyń kóleminde. Al, «Fly Arystan»-da 92 paiyz, 100 paiyz tolady. Sol sebepten olar qazir ýaqytsha ushpai qoidy. Qazir tek «Fly Arystan» ushyp jatyr», - deidi R.Ibragimov.
