Ekstremistik dini aǵymnyń ókili, osyǵan deiin sotty bolǵan er adam Aqtóbede qarýmen ustaldy, - dep habarlaidy kaz.tengrinews.kz Aqtóbe oblystyq IID baspasóz qyzmetine silteme jasap.
Politseilerdiń málimetinshe, er adam Aqtóbede 2017 jyldyń 14 sáýirinde ustaldy. Tintý jumystary barysynda kúdiktiniń kóliginen úsh myltyq tabylǵan. Sondai-aq, onyń Martuq aýdanyndaǵy turǵylyqty mekenjaiyn tekserý barysynda basqa da aiǵaqtar tabylǵan.
Sonymen qatar, ustalǵan er adamnyń eki adamdy - Ózbekstannyń 1965 jylǵy azamaty men Aqtóbeniń 1974 jylǵy turǵynyn quldyqta ustaǵany belgili boldy.
Politseilerdiń málimetinshe, er adam osyǵan deiin buzaqylyq úshin, qarýmen zańsyz operatsiialar júrgizgeni úshin jáne adam óltirgeni úshin úsh ret sotty bolǵan.
Sonymen qatar, ol 2016 jyldyń qarasha aiynda tapanshamen ustalyp, úsh jylǵa bas bostandyǵynan aiyrylǵan. Alaida keiinirek oǵan raqymshylyq jasalǵany belgili boldy.
"Memlekettiń gýmanistik aktisine qulaq aspaǵan ekstremist taǵy da aýyr qylmys jasap, azamattarǵa jáne uiymdarǵa qarýlanǵan shabýyl jasaý úshin qarý daiyndaǵan", - delingen baspasóz qyzmetiniń habarlamasynda.
Aqtóbe oblystyq IID málimetinshe, biyl oblystyq IID qyzmetkerleri ekstremisterden áskeri granata men alty oq atatyn qarý, sondai-aq, eki tapansha tárkilegen.
