Tótenshe jaǵdai kezinde qazaqstandyqtar 8,2 millionnan astam memlekettik qyzmet túrin aldy. Onyń ishinde Elektrondyq tsifrlyq qoltańbany onlain alý jáne 42500 teńge járdemaqy alýǵa ótinim berý neǵurlym suranysqa ie boldy. Bul týraly «Ulttyq aqparattyq tehnologiialar» AQ habarlady.
Degenmen, suranysqa ie bolyp otyrǵan ózge de birqatar memlekettik qyzmet túrleri bar.
«Ulttyq aqparattyq tehnologiialar» AQ tótenshe jaǵdai kezinde qazaqstandyqtardyń suranysyna eń kóp ie bolǵan memqyzmetterge jáne olardy qalai alýǵa bolatyny týraly málimet usyndy.
Atap aitqanda, Qazaqstan Respýblikasynyń aýmaǵyndaǵy jyljymaityn múlik obektileriniń mekenjailaryn anyqtaý boiynsha 130 myńnan astam anyqtama alynǵan.
Qyzmetti alý úshin Egov.kz portalynda avtorizatsiiadan ótip, onlain rejiminde qyzmetke tapsyrys berý kerek. Sodan keiin ótinimdi toltyryp, jiberý qajet. Keiin «Qyzmetterdi alý tarihy» bólimindegi daiyn anyqtamany oqýǵa bolady.
Ekinshi orynda bazalyq zeinetaqy tóleminiń mólsheri týraly aqparat alý qyzmeti tur.Tótenshe jaǵdai engizilgeli shamamen 105 myń anyqtama berilgen.
Bazalyq zeinetaqy mólsherin esepteý qyzmetine eGov.kz portalynyń basty betinde tapsyrys berýge bolady. Ol úshin kez kelgen yńǵaily ádispen (login / parol, ETsQ, SMS paroli arqyly) avtorizatsiiadan ótý qajet, 3 qarapaiym qadamnan ótip, anyqtamany ala alasyz. Daiyn anyqtama Jeke kabinettiń «Qyzmetterdi alý tarihy» bóliminde turady.
Jyljymaityn múliktiń bolýy/bolmaýy týraly anyqtamany 90 myńnan astam adam alǵan.
Bul qyzmetti eGov.kz portalynan onlain rejiminde ala alasyz. Ol úshin avtorizatsiiadan ótip, qyzmetke tapsyrys berý kerek. Odan keiin ótinimdi toltyryp, oǵan eki ádispen ETsQ nemese SMS paroli arqyly qol qoiýyńyz kerek. Ekinshi ádis úshin Mobildi azamattar bazasynda tirkelý qajet. Sodan keiin 20 minýt ishinde portaldyń jeke kabinetinde daiyn anyqtama kórinedi.
Ótinish berýshiniń ataýly áleýmettik kómek alýshylarǵa jatatyndyǵyn rastaityn anyqtamashamamen 71,5 myń ret berilgen.
Bul anyqtamany alý úshin Elektrondyq úkimet portalynda avtorizatsiiadan ótý qajet. Sodan keiin ótinimdi toltyryp, oǵan ETsQ qoiý kerek. Paidalanýshynyń Jeke kabinetine kirip, anyqtamany kóre alasyz («Qyzmetterdi alý tarihy» bóliminde).
Zeinetaqy jinaqtarynyń jai-kúii boiynsha anyqtama 70 myńnan astam ret berilgen.
Egov.kz portalynda jinaqtalǵan zeinetaqy qarajatynyń sanyn «Biryńǵai jinaqtaýshy zeinetaqy qorynyń salymshysynyń (alýshynyń) zeinetaqy jinaqtarynyń jai-kúii (investitsiialyq kiristerdi qosa alǵanda) týraly aqparat berý» qyzmetin paidalaný arqyly tekserýge bolady. Ol úshin Portalǵa kirip avtorizatsiiadan ótý qajet, sodan keiin ótinimdi toltyryp,oǵan ETsQ qol qoiý qajet. Birneshe minýttan keiin Biryńǵai jinaqtaýshy zeinetaqy qorynan jinalǵan qarajattyń mólsheri týraly aqparat shyǵady.
Elektrondyq úkimet portalynda memlekettik kórsetiletin qyzmetterdiń 80 paiyzy avtomattandyrylǵany týraly esterińizge sala keteiik. Olardy eGov.kz portalynan, eGovMobile mobildi qosymshasynan jáne Telegram, Facebook jáne VKontakte messendjerlerindegi chat-bottardan da alýǵa bolady.
