eGov.kz portalynda ońai ári jyldam ala alatyn jańa qyzmettiń birneshe túri paida boldy. Atap aitqanda, budan bylai jer kadastrynan málimetterdi endi eGovMobile qosymshasy arqyly alýǵa bolady. Sonymen qatar, eGov.kz portalynda transplantatsiia úshin tinderdi nemese múshelerdi syiǵa tartýǵa kelisim berý nemese bas tartý boiynsha onlain qyzmet qol jetimdi bolsa, jaqyndarynan aiyrylǵan qazaqstandyqtar qaitys bolǵany týraly anyqtamany eGov.kz portalynan ala alady, - dep habarlaidy «Ult aqparat».
Endi atalǵan málimetter týraly keńirek tarqatsa: eGovMobile mobildik qosymshasynda óz jer ýchaskelerińiz týraly málimetterdi alý úshin «Jyljymaityn múlik» bólimin ashý jáne «Memlekettik jer kadastrynan málimetter berý» qyzmetin tańdaý qajet. Sodan soń JSN boiynsha Jerdiń bar-joǵyna suraý salý jiberý, tizimnen 1-10 jer ýchaskesin tańdaý jáne ETsQ (elektrondyq tsifrlyq qoltańba) nemese bir rettik parolmen qol qoiý arqyly málimetter alýǵa ótinim jiberý.
«Qaltadaǵy HQKO» tujyrymdamasyn basshylyqqa ala otyryp, biz eGovMobile qosymshasyndaǵy qyzmetter men servisterdiń sanyn barynsha kóbeitýdi josparlap otyrmyz. Bul azamattarǵa mobildi bolýǵa jáne memlekettik kórsetetin qyzmetterdi alý protsesin barynsha jeńildetýge múmkindik beredi. Eger buryn bul aqparatty alý úshin birneshe kún qajet bolsa, qazir ony 15 minýtta alýǵa bolady», - dep túsindirdi «Ulttyq aqparattyq tehnologiialar» AQ Basqarma tóraǵasy Áset Turysov.
Al eGov.kz portalynda transplantatsiia úshin tinderdi nemese múshelerdi syiǵa tartýǵa kelisim berý nemese bas tartý boiynsha onlain qyzmet júzege asyryla bastady. Atalǵan qyzmetti alý úshin «elektrondyq úkimet» portalynda, «Densaýlyq saqtaý» bóliminde avtorlaný qajet, «Transplanttaý maqsatynda qaitys bolǵannan keiin onyń tinderin (tinniń bóligin) jáne (nemese) aǵzalaryn (aǵzalardyń bóligin) alý múmkindigi týraly kózi tirisinde erikti túrde qaiyrmaldyqqa kelisimdi nemese kelisimdi qaitaryp alýdy tirkeý» qyzmetin tańdaý qajet. Budan ári Paidalanýshy ótinish túrin tańdaidy: «Kelisimdi qaitaryp alýdy tirkeý» nemese «Kelisimdi tirkeý».
«Ulttyq aqparattyq tehnologiialar» AQ Basqarma tóraǵasy Áset Turysovtyń aitýynsha, buryn bul úshin tirkelgen emhanaǵa baryp, ótinish jazý qajet bolsa, qazir – úiden shyqpai-aq rásimdei alasyz.
Sonymen qatar, bul portalda jaqyndarynan aiyrylǵan qazaqstandyqtar qaitys bolǵany týraly anyqtamany ala alý múmkindigi týyp otyr.
Qazaqstan Respýblikasy Tsifrlyq damý, innovatsiialar jáne aeroǵarysh ónerkásibi ministrliginiń baspasóz qyzmetiniń habarlaýynsha, atalǵan anyqtama jerleý, jerleýge arnalǵan birjolǵy tólemdi taǵaiyndaý, qaitys bolǵan adamnyń zeinetaqy jinaqtaryn alý jáne murany resimdeý kezinde usyný úshin qajet. Endi ony onlain rejiminde alýǵa bolady.
Osy qyzmet iske qosylýmen qaitys bolý jáne perinataldyq ólim týraly meditsinalyq kýálikti, sondai-aq qaitys bolýdy memlekettik tirkeý týraly kýálikti mindetti túrde usyný bóligindegi talaptar alyp tastalady. Anyqtama alý úshin qaitys bolǵan adamnyń JSN engizý jetkilikti.
eGov.kz portalynda «Otbasy» bóliminde «Otbasy jaǵdaiy» bólimshesin taýyp, «Qaitys bolýdy memlekettik tirkeý týraly habarlama» qyzmetin tańdap, oǵan tapsyrys berip, ETsQ-men qol qoiý qajet.
Onyń nátijesimen eGov.kz portaldaǵy paidalanýshynyń jeke kabinetinde tanysýǵa bolady. Bas tartýdyń sebebi durys toltyrylmaǵan derekter nemese qaitys bolý týraly akt jazbasynyń bolmaýy bolýy múmkin. Birinshi jaǵdaida, derekterdi tekserip, qyzmetke qaita tapsyrys berýińiz kerek. Al ekinshi jaǵdaida - ýákiletti memlekettik organǵa habarlasyńyz.
