Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin qazaqstandyqtardyń barlyq jeke deregi Reseige qoljetimdi bolady degen aqparatqa túsinikteme berdi, dep habarlaidy "Ult aqparat".
«Áleýmettik jelide týyndaǵan suraqtarǵa barynsha bir jazba arqyly túsinikteme berip, aqparat tapshylyǵyna jáne buryn aitylǵan aqparattyń durys túsindirilmeýine bailanysty paida bolǵan kózqarastardyń basyn ashqym keledi.
Birinshiden, eGov portaly tek qana Qazaqstanǵa tiesili jáne eshkimge berilmeidi! «Qazaqstandyqtardyń barlyq derekteri Resei Federatsiiasyna qoljetimdi bolady» degen túsinik qisynsyz», - dep bastaidy ministr.
Vedomstvo basshysy Qazaqstanda táýelsizdik alǵannan beri sheteldik qurylymdarda jumys isteitin kóptegen mekemeler bolǵanyn, olardyń bári qazaqstandyqtardyń málimetin ońdy-soldy paidalana almaitynyn eske salady. Sondai-aq, ol «elektrondy úkimet arqyly bireý bireýge aqparat bere me?» degen suraq týyndamaý úshin eGov.kz-tiń ne ekenin qysqasha túsindiredi.
«eGov - bul barlyq memlekettik bazalarmen qursym arqyly qosylǵan «vitrina» ǵana. Bul bazalarǵa nemese júielerge eshkim eshqashan qol jetkize almaidy! Ótken aida bastalǵan taldaý qazaqstandyq memlekettik sektorda 400-den astam aqparattyq júie bar ekenin kórsetti. Memlekettik jyljymaityn múlik bazasy siiaqty iri bazalardan bastap, olimpiada júldegerleri tirkelgen shaǵyn bazalarǵa deiin bar», - degen Baǵdat Mýsin baǵdarlamashy etikasy men qujattamasy eskirgen júzdegen júieniń ornyna, barlyq derekter biryńǵai platformada rettelgen jáne túsinikti bolatyn ondaǵan júielerge ótý zaman talaby ekenin aitady.
«Qazir eGov-ty milliondaǵan eski qurylǵylarmen salystyrýǵa bolady. Olardyń ornyna biz sapaly zamanaýi tehnologiiamen jabdyqtalǵan platformany ornatqymyz keledi. Halyq úshin de, ekonomika úshin de barynsha oń nátije alý úshin tsifrlandyrýdyń «quraqtalǵan» modelinen tutas platformalyq modeline ótetin kez keldi», - deidi ministr.
Onyń aitýyna qaraǵanda, Qazaqstan SBER ákimshiligine derbes derekterdiń qaýipsizdigi boiynsha naqty talap qoiyp otyr. Iaǵni, bastapqy kodtar saqtalatyn serverler Qazaqstan aýmaǵynan shyǵarylmaýy kerek.
«IT salasyndaǵy kez kelgen sheshim, ásirese halyqaralyq sheshim kiber qalqan men azamattardyń múddelerin qorǵaý jónindegi ýákiletti organdardyń usynymyn eskere otyryp qabyldanady. Qazaqstan tarapy baǵdarlamalyq qamtamasyz etý men tehnikalyq qoldaýdy talap etetin vendor siiaqty bolýy kerek degen talap qoiyp otyr. SBER barlyq qoljetimdilikti bere otyryp, barlyq komponentterdiń bastapqy kodtaryn kórsetedi jáne barlyǵyn Qazaqstandaǵy serverlerge ornalastyrady dep kelistik», - dedi Baǵdat Mýsin.
