تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸ باعدات مۋسين قازاقستاندىقتاردىڭ بارلىق جەكە دەرەگٸ رەسەيگە قولجەتٸمدٸ بولادى دەگەن اقپاراتقا تٷسٸنٸكتەمە بەردٸ, دەپ حابارلايدى "ۇلت اقپارات".
«ەلەۋمەتتٸك جەلٸدە تۋىنداعان سۇراقتارعا بارىنشا بٸر جازبا ارقىلى تٷسٸنٸكتەمە بەرٸپ, اقپارات تاپشىلىعىنا جەنە بۇرىن ايتىلعان اقپاراتتىڭ دۇرىس تٷسٸندٸرٸلمەۋٸنە بايلانىستى پايدا بولعان كٶزقاراستاردىڭ باسىن اشقىم كەلەدٸ.
بٸرٸنشٸدەن, eGov پورتالى تەك قانا قازاقستانعا تيەسٸلٸ جەنە ەشكٸمگە بەرٸلمەيدٸ! «قازاقستاندىقتاردىڭ بارلىق دەرەكتەرٸ رەسەي فەدەراتسيياسىنا قولجەتٸمدٸ بولادى» دەگەن تٷسٸنٸك قيسىنسىز», - دەپ باستايدى مينيستر.
ۆەدومستۆو باسشىسى قازاقستاندا تەۋەلسٸزدٸك العاننان بەرٸ شەتەلدٸك قۇرىلىمداردا جۇمىس ٸستەيتٸن كٶپتەگەن مەكەمەلەر بولعانىن, ولاردىڭ بەرٸ قازاقستاندىقتاردىڭ مەلٸمەتٸن وڭدى-سولدى پايدالانا المايتىنىن ەسكە سالادى. سونداي-اق, ول «ەلەكتروندى ٷكٸمەت ارقىلى بٸرەۋ بٸرەۋگە اقپارات بەرە مە?» دەگەن سۇراق تۋىنداماۋ ٷشٸن eGov.kz-تٸڭ نە ەكەنٸن قىسقاشا تٷسٸندٸرەدٸ.
«eGov - بۇل بارلىق مەملەكەتتٸك بازالارمەن قۇرسىم ارقىلى قوسىلعان «ۆيترينا» عانا. بۇل بازالارعا نەمەسە جٷيەلەرگە ەشكٸم ەشقاشان قول جەتكٸزە المايدى! ٶتكەن ايدا باستالعان تالداۋ قازاقستاندىق مەملەكەتتٸك سەكتوردا 400-دەن استام اقپاراتتىق جٷيە بار ەكەنٸن كٶرسەتتٸ. مەملەكەتتٸك جىلجىمايتىن مٷلٸك بازاسى سيياقتى ٸرٸ بازالاردان باستاپ, وليمپيادا جٷلدەگەرلەرٸ تٸركەلگەن شاعىن بازالارعا دەيٸن بار», - دەگەن باعدات مۋسين باعدارلاماشى ەتيكاسى مەن قۇجاتتاماسى ەسكٸرگەن جٷزدەگەن جٷيەنٸڭ ورنىنا, بارلىق دەرەكتەر بٸرىڭعاي پلاتفورمادا رەتتەلگەن جەنە تٷسٸنٸكتٸ بولاتىن ونداعان جٷيەلەرگە ٶتۋ زامان تالابى ەكەنٸن ايتادى.
«قازٸر eGov-تى ميلليونداعان ەسكٸ قۇرىلعىلارمەن سالىستىرۋعا بولادى. ولاردىڭ ورنىنا بٸز ساپالى زاماناۋي تەحنولوگييامەن جابدىقتالعان پلاتفورمانى ورناتقىمىز كەلەدٸ. حالىق ٷشٸن دە, ەكونوميكا ٷشٸن دە بارىنشا وڭ نەتيجە الۋ ٷشٸن تسيفرلاندىرۋدىڭ «قۇراقتالعان» مودەلٸنەن تۇتاس پلاتفورمالىق مودەلٸنە ٶتەتٸن كەز كەلدٸ», - دەيدٸ مينيستر.
ونىڭ ايتۋىنا قاراعاندا, قازاقستان سبەر ەكٸمشٸلٸگٸنە دەربەس دەرەكتەردٸڭ قاۋٸپسٸزدٸگٸ بويىنشا ناقتى تالاپ قويىپ وتىر. ياعني, باستاپقى كودتار ساقتالاتىن سەرۆەرلەر قازاقستان اۋماعىنان شىعارىلماۋى كەرەك.
«IT سالاسىنداعى كەز كەلگەن شەشٸم, ەسٸرەسە حالىقارالىق شەشٸم كيبەر قالقان مەن ازاماتتاردىڭ مٷددەلەرٸن قورعاۋ جٶنٸندەگٸ ۋەكٸلەتتٸ ورگانداردىڭ ۇسىنىمىن ەسكەرە وتىرىپ قابىلدانادى. قازاقستان تاراپى باعدارلامالىق قامتاماسىز ەتۋ مەن تەحنيكالىق قولداۋدى تالاپ ەتەتٸن ۆەندور سيياقتى بولۋى كەرەك دەگەن تالاپ قويىپ وتىر. سبەر بارلىق قولجەتٸمدٸلٸكتٸ بەرە وتىرىپ, بارلىق كومپونەنتتەردٸڭ باستاپقى كودتارىن كٶرسەتەدٸ جەنە بارلىعىن قازاقستانداعى سەرۆەرلەرگە ورنالاستىرادى دەپ كەلٸستٸك», - دەدٸ باعدات مۋسين.
