Jańa "Omikron" shtammynyń paida bolýyna jol bermeý maqsatynda Qazaqstan Respýblikasy aýmaǵynda koronavirýstyq infektsiianyń paida bolýy men taralýyna jol bermeý jónindegi vedomstvoaralyq komissiianyń sheshimderine sáikes 2021 jyldyń 3 jeltoqsanynan bastap Egipetke áýe qatynasy toqtatyldy, dep habarlaidy QR Indýstiia jáne infraqurylymdyq damý ministrliginiń resmi saity.
Qazaqstan men Egipet arasyndaǵy áýe reisterin Nur-Sultan, Almaty, Shymkent, Qostanai jáne Aqtóbe qalalarynan Sharm-El-Sheih qalasyna "Eir Astana" jáne "SCAT" áýe kompaniialary oryndap keldi.
Áýe kompaniialarynyń aqparaty boiynsha búgingi tańda Egipette 2800-ge jýyq Qazaqstan azamaty bar. Olar 2021 jylǵy jeltoqsannyń 3-10 aralyǵynda atalǵan áýe kompaniialarynyń reisterimen elge jetkiziledi.
QR Bas memlekettik sanitarlyq dárigeriniń 2021 jylǵy 30 qarashadaǵy №51 qaýlysyna sáikes Egipetten kelgen jolaýshylar COVID-19-ǵa qarsy vaktsinatsiialaýdyń tolyq kýrsynyń bar-joǵyna qaramastan, QR Memlekettik shekarasyn kesip ótken sátten bastap merzimi 72 saǵattan aspaǵan COVID-19-ǵa PTR ádisimen tapsyrylǵan testiniń teris nátijesi týraly anyqtamany kórsetýi tiis. Sondai-aq, vaktsina alǵan jáne tiisti anyqtamasy bar bolsa da, 7 kúnge oqshaýlanýy kerek.
Reisterdiń oryndalatyn kúnderi týraly tolyq aqparat alý úshin jolaýshylar týrdy nemese áýe biletin satyp alǵan orynǵa habarlasýy qajet.
