Telegram messendjerinde Qaraǵandy mektepteriniń birinde egilmegen joǵary synyp oqýshylaryn oflain-rejimdegi sabaqtarǵa jibermeitini jáne olarǵa emtihandarǵa daiyndalý úshin konsýltatsiialar berilmeitini týraly aqparat tarady.
Qaraǵandy oblysynyń bilim basqarmasy bul aqparatty joqqa shyǵardy, dep jazady Stopfake.kz saity.
– Bul aqparat shyndyqqa janaspaidy. Koronavirýstyq infektsiiaǵa qarsy vaktsinatsiia erikti túrde jáne egilýshiniń aqparattandyrylǵan kelisimimen ǵana júrgiziledi. Qazaqstan Respýblikasynyń Halyq densaýlyǵy jáne densaýlyq saqtaý júiesi týraly kodekstiń 77-babyna sáikes, Qazaqstan Respýblikasy azamattarynyń profilaktikalyq vaktsina alýdan bas tartýǵa quqyǵy bar. Egýdi júrgizý aldynda egilýshige mindetti túrde tekserý júrgiziledi. Meditsinalyq qarsy kórsetilimder bolǵan jaǵdaida vaktsinatsiia saýyqqanǵa deiin keiinge qaldyrylady, – dep habarlady basqarmanyń baspasóz qyzmetinen.
